Salymshylarǵa baǵamnyń ózgerýine baılanysty ótemaqy  tólenetin boldy. Bul týraly «Qamshy» portaly  Tengrinews.kz  silteme jasaı otyryp habarlaıdy.  Baspasóz máslıhaty kezinde QR Ulttyq bankiniń tóraǵasynyń orynbasary Qýat Qojahmetov  osylaı dep málimdegen.

Ulttyq bank ókiliniń aıtýynsha, ótemaqy berýdiń tártibi jasaldy. Ony qazaqstandyq bankter jáne Qarjygerler asosıasıasy talqylaǵan. Depozıt ıeleri ótemaqy alý týraly ótinishti 2015 jyldyń 1 qazanyna deıin jazýy tıis. Keıin merzim uzartylýy múmkin. Alaıda ótemaqy 2016 jyly tólenetin boldy.

Ótemaqyny teńgemen aqsha jınap jatqandar ǵana ala alady. Alaıda olardyń salymy 1 mıllıon teńgeden aspaýy qajet. Sonymen qatar, salymdardyń bankte bolǵanyna bir jyldan kem bolmaýy kerek. UB tóraǵasynyń orynbasarynyń aıtýynsha, bul baǵdarlamany júzege asyrý maqsatynda bankterde call-ortalyqtar men keńesshilerdiń jumysy kúsheıedi. 

Osyǵan deıin Qazaqstannyń Ulttyq banki ıpotekalyq qaryzdardy qaıta qarjylandyrý baǵdarlamasyna ózgeristerdi engizetinin habarlaǵan edi. Jumys tobynyń baǵdarlamany jasaý boıynsha otyrysynda qaryzdardy qaıta qarjylandyrýdyń eldegi valúta saıasatyna áseri sarapqa salyndy. Onyń qorytyndysy boıynsha, jańa valútalyq baǵam rejıminiń esebinde bul baǵdarlamany tolyqtaı júzege asyrýǵa múmkindik beretin sharalar jasalyp, qaraldy.  

Terentevtiń aıtýynsha, bankter salymshylardan 7 myń ótinish qabyldady, olardyń ishinde shamamen 4 myńy maquldandy. Departament dırektorynyń aıtýynsha, jalpy ıpotekalyq qaryzdardy qaıta qarjylandyrý baǵdarlamasy 25 myń adamǵa qatysty bolady, onyń ishinde 5-7 myńy halyqtyń áleýmettik turǵydan álsiz toby sanalady. "Baǵdarlamaǵa baqylaý qoıylǵan, árbir 15 kún saıyn qoǵamdyq birlestikterge esep beremiz", - dedi Terentev.