Keshe májilis depýtattary úkimette óńkeı iri bıznesmender otyrǵanyn málimdedi. Bul týraly «Qamshy» portaly  KTK arnasyna silteme jasaı otyryp habarlaıdy.

Depýtattar «sol kásipker ári sheneýnikter qazynanyń qarjysyna salynǵan ınfraqurylymdardy jappaı jekeniń qolyna satyp jibermek» dep qaýiptenip otyr.

Halyq qalaýlylary, ásirese arnaıy ekonomıkalyq aımaqtar úshin alańdaıdy eken. Óıtkeni jańa zań jobasynda ondaǵy ınfraqurylymdy, ıaǵnı qoımalar, jol, jaryqpen qamtý, baılanys, komýnaldyq sharýashylyqty jeke kompanıanyń jarǵylyq qoryna berý týraly jazylypty.

Buǵan  halyq qalaýlylary múldem qarsy. Al elimizdegi 9 arnaıy ekonomıkalyq aımaqtaǵy ınfraqurylymdy salý úshin memleketten 238 mlrd teńge bólingen eken.

Depýtattar dál osy memlekettiń aqshasyna salynǵan  nysandardy bireýler tómen baǵaǵa saýdalap, ıemdenip almaq dep shyryldap otyr.

“Ol obektilerdi qaryz retinde berý kerek. 238 mlrd qaryz bolsa, ol oılanady. Jarǵylyq kapıtalda bolsa, ózimniń menshigim dep kimge satqysy kelse, soǵan sata salady. Ol kelise salady ǵoı, úkimette júrgenderdiń bári bızneste júrgen azamattar. Onyń bárin bilemiz. Bul jerde memlekettik másele tur. Horgos tur, Astana ekonomıkalyq aımaǵyndaǵy úlken qarjylar tur”, – deıdi májilis depýtaty Nurtaı Sabılánov.