Taılandta ótip jatqan Azıa chempıonatynda Qazaqstan ulttyq quramasynyń qorjynyna taǵy bir altyn medal tústi. Aýyr atletıkadan 77 kelige deıingi salmaqta jarys jolyna shyqqan qazaqstandyq Aıdar Qazov Azıa chempıony atandy. Bul týraly «Qamshy» portaly Tengrinews.kz-ke silteme jasaıdy.

Alekseı Nı baptaǵan aýyr atletshi Aıdar Qazov qos saıys qorytyndysy boıynsha 350 kelini kótergen. Julqa kóterýde 156 kelini baǵyndyrǵan Aıdar Qazov serpe kóterýde 194 kelini eńsergen. Osylaısha jerlesimiz bıylǵy Azıa chempıonatynda aýyr atletıkadan  altyn medeldi qorjynǵa túsirgen.

Qos saıys qorytyndysy boıynsha dál osyndaı salmaqty (160+190) KHDR sportshysy Djon Meng Song ta kótergen. Alaıda Aıdardyń salmaǵy qarsylasynan jeńil bolǵandyqtan júldeni jerlesimizge bergen.  Nátıjesinde otandasymyz Azıa chempıony atandy. Qola medal taı sportshysy Chınnavon Chatýphýmǵa buıyrdy. Ol qossaıys qorytyndysy boıynsha 349 kelini basynan asyrdy. Al bul salmaqtaǵy ekinshi qazaqstandyq ziltemirshi Batyr Asyrarov 330 kelimen (qossaıys) segizinshi oryndy qanaǵat tutty.
Osyǵan deıin Taılandtaǵy Azıa chempıonatynda Ásem Sadyqova men Faına Sıvanbaeva qola júldeger atanǵan bolatyn. 

Nurzat Toǵjan