Apta basynan beri dollar baǵamy 10 teńgege qymbattady. Sarapshylar qazaqstandyq valútanyń aldaǵy jaǵdaıy týraly boljamdarymen bólisti. Bul týraly  Qamshy portaly LS-qa silteme jasaı otyryp habarlaıdy.

«Sentras Sekúrıtız» taldaý departamenti dırektorynyń orynbasary Marjan Ybyraeva valútanyń suranysy men usynysyna munaı baǵasy jáne Reseı rýbli baǵamynyń dınamıkasy áser etetinin alǵa tartty. Qytaıdyń ekonomıka men qor naryǵyn qoldaý úshin uıymdastyrylatyn memlekettik sharalar týraly jańalyqtarynyń da áseri bar dep sanaıdy maman.

«Aǵymdaǵy jyldyń aıaǵyna deıin teńge baǵamy syrtqy negatıvti faktorlardyń áserinen odan ári quldyrap, dollar quny 260-270 teńge bolýy ábden múmkin», – deıdi Ybyraeva.

Al BCC Invest sarapshylary bolsa, qazirgi jaǵdaıda dollar quny 250-260-tyń tóńireginde bolǵanyn oryndy dep sanaıdy.

«Bul deńgeı qazirgi ekonomıkalyq jaǵdaıdy, munaı baǵasy men Reseı rýbiliniń baǵamyn eskersek, ádiletti. Munaıǵa tómen baǵalar, rúbldiń álsireýi, 2015 jyldyń 16-17 qyrkúıeginde bolady dep kútiletin FQJ-niń joǵary mólsherlemeler qoıýy ulttyq valúta baǵamyna keri áserin tıgizedi», – deıdi sarapshy.

FQJ-niń joǵary mólsherlemeler qoıýy jáne munaı baǵasynyń aıtarlyqtaı tómendeýi BCC Invest sarapshylarnyń oıynsha, ázirge bola qoımaıdy.

«Sáıkesinshe, aldaǵy aılarda teńge baǵamynyń álsireýi bola qoımaıdy. Teńgege qysym túsirýi múmkin jalǵyz faktor – Reseıdiń saıası-ekonomıkalyq ahýalynyń nasharlaýy», – dep boljamdarymen bólisti sarapshylar.