Nursultan Nazarbaevtyń fýa-gra týraly sózine qatysty  qatysty prezıdenttiń baspasóz hatshysy Dáýren Abaev túsinikteme berdi.  Bul týraly «Qamshy» portaly Tengrinews.kz –ke silteme jasaı otyryp habarlaıdy.

Ol fýa-gra jaıly “beıneleı aıtqan sózdiń” áleýmettik jelilerde kóp talqylanǵanyn memleket basshysynyń estigenin aıtty.

“Árıne Nursultan Ábishuly áleýmettik jelilerde ne bolyp jatqanyn biledi, ol ınternet qoldanýshylarynyń fýa-gra jaıly qaljyńdaryna ázilmen jáne túsinistikpen qarady. Sonymen birge, ol óziniń beıneleı aıtqan sóziniń dollardyń qymbattaýy men janar-jaǵarmaı qunynyń kóterilgeninen keıingi kóńil-kúıdi shıratyp alýǵa bir sebep bolǵanyn da túsinedi”, – dedi Nazarbaevtyń baspasóz hatshysy.

“Biraq sizder memleket basshysynyń tyǵyz jumys kestesin kórip otyrsyzdar, ol demalyssyz jumys isteıdi, elderdiń basshylarymen kezdesedi jáne Qazaqstan azamattarynyń amandyǵy úshin jumys isteıdi. Máselen, 30 jáne 31 tamyzda memleket basshysy Qytaıda jumys istep jatty, al bul ýaqytta qazaqstandyqtar demalyp jatyr edi”, – dep atap ótti Dáýren Abaev.

Eske salsaq, Aqmola oblysyna kelgen Nursultan Nazarbaev Aqmola, Qostanaı jáne Soltústik Qazaqstan ákimderimen otyrys ótkizgen bolatyn.

Nazarbaev úkimettiń janar-jaǵarmaı materıaldaryna baǵany memlekettik retteýden bas tartýyna qatysty pikirin bildirip, Qazaqstan turǵyndaryna sheteldik taýarlardan bas tartýǵa keńes bergen bolatyn.

«Olarsyz da ómir súrýge bolady. Solaı emes pe? Fýa-gra, banansyz. Eń úlken «Lend Krýzer» minbeı-aq ta ómir súrýge bolady emes pe?  Ómir súrýge qajetti zattardyń bári bizde bar», – dep pikirin bildirgen prezıdent.

Elbasynyń bul ázili áleýmettik jelilerde jyldam taraptalqylandy. Kóbisi «fýa-gra degen ne, ony nemen jeýge bolady?» degen suraqtyń jaýabyn izdeýge kirisken.