Búgin elordadaǵy Táýelsizdik saraıynda Elbasy Nursultan Nazarbaevtyń qatysýymen Qazaq handyǵynyń 550 jyldyq mereıtoıyna arnalǵan saltanatty jıyn bastaldy. Bul týraly «Qamshy» portaly QazAqparatqa silteme jasaıdy.

Osynyń aldynda habarlaǵanymyzdaı, merekelik sharaǵa Ázerbaıjan Prezıdenti Ilham Álıev, Qyrǵyz Prezıdenti Almazbek Atambaev, Túrkıa  parlamentiniń tóraǵasy Ismet Iylmaz  qatysýda.

«Qurmetti hanymdar men myrzalar, mártebeli meımandar!  Sózimdi bastamas buryn, búgingi kúni túrki tektes memleketterdiń 5-shi samıti ótetin kúnimenen bizdiń merkemiz dál kelgenin aıtyp óteıin. Sondyqtan osy jıynǵa  qatysyp otyrǵan qurmetti qonaqtarymyz Ázerbaıjan Prezıdenti Ilham Álıevti qurmetteımiz.  Qyrǵyz Prezıdenti Almazbek Atambaev zor qurmetpen qarsy alamyz. Erdoǵan myrza aldyndaǵy sharýalaryna baılanysty maǵan telefon shalyp, ýákili retinde Uly  Túrik jıylysynyń  tóraǵasy Ismet Iylmazdy jiberdi», - dep atap ótti Memleket basshysy. 

Al alqaly jıynda sóz alǵan jazýshy, Memlekettik syılyqtyń ıegeri Ábish Kekilbaev, «Búgingi toı - erekshe  toı. Qazaqtyń basynan jaqsy da, jaman da ótti. Budan 550 jyl buryn óz aldymyzǵa derbes el boldyq. Sodan beri qaraı Edil men Altaıdyń arasyn, soltústikten Qumdykól, ońtústikte Myrzashólge deıingi ıen dalany jaılaımyz. Bizdiń osy dáýirge jetkenimiz de, jetpegenimiz de bar. Jer betindegi halyqtyń qaı-qaısysynyń basynda kúı mundaı emes. «Bireýdi kórip  shúkir et, bireýdi kórip pikir et» degen. Qudaıǵa shúkir qazaq halqynyń basynda shúkirshilik etetin jaǵdaı jetkilikti», - dedi.

Nurzat Toǵjan