11 qyrkúıek kúni Qostanaı jáne Aqtóbe  oblystary ákimderi qyzmetterinen bosatylýy múmkin. Bul týraly «Qamshy» portaly IA Novostı-Kazahstan basylymyna silteme jasaıdy.

Al QazTAG agenttiginiń aqparatyna súıensek, Qostanaı oblysy ákimi qyzmetine úsh birdeı kishi sheneýniktiń kandıdatýrasy qarastyrylýda. Olardyń ishinde qazirgi oblys ákiminiń orynbasary Gaýez Nurmuhambetov te bar.

Qazirgi tańda Qostanaı oblysy ákimi qyzmetin Nuraly Sadýaqasov atqarýda.  Sadýaqasov 1964 jyly 28 qarashda dúnıege kelgen. 2004 jyly Qostanaı qalasy ákimi bolyp taǵaıyndalǵan. 2012 jyldan bastap oblys tizginin ustap keledi.

Al Aqtóbe oblysyniń qazirgi ákimi Arhımed Muhambetov atqarýda. 2008 jyly Aqtóbe qalasy ákimi, al 2011 jyly Aqtóbe oblysy ákimi bolyp taǵaıyndalǵan.

Ákimderdiń ne úshin qyzmetterinen ketetini týraly naqty aqparattar jarıalanbaǵan.

Esterińizde bolsa, keshe Qostanaı qalasynyń eks-ákimi Ahmedbek Ahmetjanov qamaýǵa alynǵan bolatyn. Ol óziniń qyzmettik mansabyn jeke basyna paıdalanǵany úshin aıyptalyp, sotta óz kinásin moıyndaǵan. Al quqyq qorǵaý qyzmetkerleri onyń eki birdeı orynbasaryn qamaýǵa alǵannan keıin, eks-ákim óz erkimen otstavkaǵa ketken bolatyn.

Nurzhat Toǵjan

«Qamshy» portaly