Qoǵam belsendisi Muhtar Taıjan Qazaqstanda qymbatshylyq órshýine baılanysty prezıdent Q. Toqaevqa úndeý joldady.
– Aýyl sharýashylyǵyna arnalǵan aýmaǵy óte úlken el Qazaqstanda sábizdiń quny 735 teńgege jetip, 1,5 dollar qurap otyr. Jáne bul – memlekettik sýbsıdıalar jyldar boıy quıylyp jatyrǵan saladaǵy jaǵdaı. Jaıylym joqtyǵynan mal ashtan ólip, kóterem bolyp, qoqys, karton jep jatyr. Jáne bunyń bári myń jyldar boıy mal baqqan kóne kóshpendiler elinde oryn alyp otyr.
Bul sońǵy jyldardaǵy ekonomıkalyq saıasattyń qanshalyqty soraqy ekeninen shynaıy da týra habar beretin kórsetkish. Babalarymyzdan mura bolyp qalǵan, keleshek urpaqqa tıesili ulttyq qorymyz sarqylýǵa jaqyn tur. Ótken jyly sol jyly túskenniń 96 paıyzy jumsalyp ketti.
Endi úkimet azyq-túlik baǵasyn ákimshilik jolmen rettegisi keledi. Onda Memlekettik jospar júıesin engizip, barsha ekonomıkany memleket menshigine ótkizińizder! Bul – adamnyń kúlkisin keltiretin: "poıyz, toqta, bir-eki!" degen anekdot qoı. Naryqtyq ekonomıkada baǵany – buıryq, jarlyqtarmen emes, usynysty kóbeıtý arqyly túsiretinin estimep pe edińiz?, – dedi qoǵam belsendisi.
Belsendi ekonomıkalyq daǵdarysty eńserý úshin úkimetke barýǵa ázir ekenin taǵy jetkizdi. Ol buǵan deıin de daǵdarysty jeńý úshin bılikke barǵysy keletinin málim etken.
– Ekonomıkamyzdyń barsha salasyn turalatyp, joǵaryda baıandalǵan kúısiz nátıjege jetkizgen klandar men olıgarhtyq toptarmen baılanys-shatysy joq adamdar Úkimetke kirýi tıis ekenine bek senemin. Óz basym halyq aldynda jaýapkershilik arqalap, elimizdi ekonomıkalyq daǵdarystan shyǵarýǵa ázirmin, – dep jazady Muhtar Taıjan facebook paraqshasynda.
Pikir qaldyrý