Mektepte bilim alyp jatqan balalar úshin qolaıly orta men bilim alýǵa degen múmkindiktiń bolýy mańyzdy. Dese de, ata-ana balasynyń densaýlyǵyn da umytpaǵan abzal. Densaýlyq saqtaý mınıstrligi men Ulttyq densaýlyq saqtaý ortalyǵy mektep oqýshylarynyń ata-anasyna oqý jylynda balalardyń densaýlyǵyn saqtaý jáne nyǵaıtý boıynsha usynystaryn aıtty. 

Mektep sómkesi nemese rúkzaktyń salmaǵy bastaýysh synyp oqýshylary úshin 700 gramnan, joǵary synyp oqýshylary úshin 1000 gramnan aspaýy kerek.

"Gadjetterdiń kórý qabiletine jáne zeıin qoıýǵa keri áserin eskere otyryp, smartfondar men basqa qurylǵylardy paıdalaný ýaqytyn qysqartý usynylady", – dedi mınıstrlik.

Sanıtarlyq erejelerge sáıkes kompúterlik sabaqtardyń ýaqyty 5 mınýttan aspaýy kerek:

mektepke deıingi, mektepaldy daıarlyq toptarynda (synyptarda) jáne 1-synypta – 15 mınýt;

2-3 synyptarda – 20 mınýt;

4-8 synyptarda – 25 mınýt;

9-11 (12) synyptarda – 30 mınýt.

"Aýrýlardyń aldyn alý úshin jeke bas gıgıenasyn jáne aınalanyń tazalyǵyn saqtaý qajet. Balalardy antıseptıktermen qamtamasyz etińiz. Olar tek qoldaryn ǵana emes, jıi qoldanatyn zattaryn – smartfondardy, portfeldiń ustaıtyn jerin de únemi súrtýi kerek", – dedi dárigerler.