Qazirgi tańda Qazaqstannyń áleýmettik saıasatynyń basty baǵyttarynyń biri - qoǵamdaǵy otbasylyq qundylyqtardy saqtaý men nyǵaıtý. Sebebi otbasy - árbir adamnyń ómirindegi eń mańyzdy tirek, ulttyq bolmystyń, mádenıettiń jáne rýhanı dástúrdiń dińgegi. Otbasynyń beriktigi memlekettiń turaqtylyǵy men órkendeýiniń negizi. Osyǵan oraı, elimizde otbasylyq ınstıtýtty qoldaýǵa, áıelder men balalardyń quqyqtaryn qorǵaýǵa jáne demografıalyq ósimdi qamtamasyz etýge baǵyttalǵan keshendi saıasat júrgizilip keledi.
Memleket otbasylyq-demografıalyq jaǵdaıdy jaqsartýǵa erekshe mán beredi. Bul baǵytta birqatar mańyzdy baǵdarlamalar júzege asyp jatyr. Mysaly, kópbalaly jáne az qamtylǵan otbasylarǵa ataýly áleýmettik kómek kórsetilip, «Ana men bala» densaýlyq saqtaý baǵdarlamalary aıasynda medısınalyq qyzmetter sapasy artyp keledi, al aýyldyq jerlerdegi jas otbasylarǵa arnalǵan turǵyn úı jobalary – olardyń turaqty ómir súrýine negiz bolady.
Genderlik saıasat ta elimizdiń damýyna úlken úles qosyp otyr. Búginde áıelder tek otbasynyń uıytqysy ǵana emes, sonymen qatar qoǵamnyń belsendi múshesi. Olar saıasatta, bızneste, bilim berý men densaýlyq saqtaý salalarynda, ǵylym men mádenıette erlermen qatar eńbek etip keledi. Memleket áıelderdiń kóshbasshylyqqa umtylysyn qoldap, genderlik teńdikti qamtamasyz etý úshin zańnamalyq jáne ınstıtýsıonaldyq negizderdi kúsheıtip otyr.
Ana men balany qorǵaý - el saıasatynyń mańyzdy baǵyty. Júktilik, bosaný jáne bala kútimine baılanysty járdemaqylar, sapaly medısınalyq qyzmet, balabaqshalar men mektepterge qoljetimdilik - osynyń bári ana men balanyń ál-aýqatyn arttyrýǵa baǵyttalǵan. Sonymen birge, jasóspirimderge arnalǵan psıhologıalyq kómek pen tárbıe ınstıtýttary da jetildirilip, olardyń qaýipsiz ári jan-jaqty damýyna jaǵdaı jasalýda.
Demografıalyq saıasat - eldiń áleýmettik-ekonomıkalyq damýyndaǵy sheshýshi faktorlardyń biri. Halyqtyń tabıǵı ósimin yntalandyrý, kóshi-qon úderisterin tıimdi basqarý, eńbekke qabiletti jastardy elde ustap qalý bul baǵyttaǵy basym mindetter. Atalǵan maqsattarǵa qol jetkizý úshin memlekettik qoldaý sharalary turaqty túrde jańartylyp, halyqtyń suranysyna beıimdelip jatyr.
Qoǵamdaǵy otbasylyq jáne rýhanı qundylyqtardy nasıhattaý - tek memlekettik organdardyń ǵana emes, búkil qoǵamnyń ortaq mindeti. Bilim berý mekemeleri, buqaralyq aqparat quraldary, úkimettik emes uıymdar jáne dinı birlestikter otbasylyq mádenıetti damytýǵa óz úlesterin qosyp keledi. Jas urpaqqa ulttyq tárbıe berý, úlkenge qurmet, kishige izet kórsetý sıaqty moraldyq qaǵıdalardy boıǵa sińirý – qoǵamdaǵy adamgershilik pen jaýapkershilik mádenıetin qalyptastyrady.
Qorytyndylaı kele, otbasylyq, genderlik jáne demografıalyq saıasat - elimizdiń bolashaǵyna jasalǵan ınvestısıa. Bul baǵyttaǵy júıeli jumys qoǵamda úılesimdik pen turaqtylyq ornatyp, árbir azamattyń ómir sapasyn arttyrýǵa yqpal etedi. Otbasy - tek shaǵyn áleýmettik top emes, ol - ulttyń ózegi. Sondyqtan otbasylyq qundylyqtardy saqtaý - barshamyzdyń ortaq boryshymyz.
Móldir Túktibaı
