- 3,5 mıllıon azamatymyz onkologıany erte anyqtaıtyn skrınıngten óte almaı otyr, sebebi olar MÁMS-ke jarna tólemeıdi. Bul — búgingi kúnniń shyndyǵy. Biraq qaterli isik — uzaq ýaqyt boıy esh belgi bermeıtin qaýipti aýrý. Al alǵashqy belgileri paıda bolǵanda, kóp jaǵdaıda tym kesh bolyp jatady: metastazdar, aýyrsyný, joǵalǵan ómirler

Asqat Aımaǵambetov máseleni sheshý úshin bir jyldan astam ýaqyt boıy jumys istelip jatqanyn aıtty.

- Bul tek statısıka emes — bul myńdaǵan otbasynyń tragedıasyna aınalýy múmkin. Bul bizdiń dostarymyz, kórshilerimiz, týystarymyz. Bul máseleni sheshý úshin bir jyldan astam ýaqyt boıy jumys istep kelemiz. Jaqynda barlyq azamat úshin, onyń ishinde MÁMS-ke jarna tólemegender úshin de, onkologıalyq skrınıngti qoljetimdi etýdi qarastyratyn túzetý engizdik. Iá, bul qosymsha qarjy talap etedi, biraq bul kóptegen adamnyń ómirin qutqarady, - dedi Asqat Aımaǵambetov.

Ol qaterli isikti erte kezeńde anyqtaý memleketke kesh anyqtalǵan jaǵdaılardy emdeýge jumsalatyn shyǵyndardy azaıtýǵa múmkindik beretinin aıtty.