Almatyda jeke avtoparkke tıesili jolaýshy tasymaldaıtyn avtobýsta jańadan engizilgen «Ońaı» jol júrý termınalynyń qasaqana syndyrylǵandyǵy anyqtaldy. Bul týraly «Qamshy» portaly «Almaty q. kólik Holdıńi» JSHS-y baspasóz qyzmetine silteme jasap habarlaıdy.

Oqıǵa «Kıikbaı» JSHS-ǵa tıesili №13-shi baǵytta júretin avtobýstyń salonynda 1-shi qarasha kúni bolǵan. Osyǵan baılanysty «Kólik kartasy» JSHS qyzmetkerleri akt toltyryp, oǵan «CVB24 master júıesi mehanıkalyq sıpatta búlingen, al LCD dıspleı synydyrylǵan. Qondyrǵy endi iske jaramsyz», - ekendigi jazyldy.

«Elektrondy bılet júıesiniń jumysyna qajetti jabdyqtyń saqtalýyna tasymaldaýshylar jaýap beredi. Osy maqsatta materıaldyq jaýapkershilik jónindegi kelisimshartqa qosa, qabyldaý-tapsyrý aktisi toltyrylǵan. Qazir oqıǵanyń sebepteri anyqtalyp jatyr»,  - dedi «QazAqparat» tilshisine bergen túsiniktemesinde «Almaty q. kólik Holdıńi» JSHS qyzmetkeri Elmıra Kırgeeva.

Aıta ketelik, CVB24 master, ıaǵnı «Ońaı» termınalynyń baǵasy - 232 873,49 teńge, al montajdaý baǵasy  - 51 544,13 teńge turady.

Aıta ketken jón, búgingi tańda Almaty qalasynyń búkil jerústi qoǵamdyq kólikteri elektrondy bılet berý júıesimen jasaqtalǵan.