«QazAvtoJol» Ulttyq kompanıasy» AQ «Astana – Atbasar» jáne «Qyzylorda – Shymkent» ýchaskelerinde aqyly qozǵalys engizbek. Bul týraly «Qamshy» portaly QazAqparatqa silteme jasap habarlaıdy.

Keshe «QazAvtoJol» UK» AQ-y Dırektorlar keńesiniń otyrysy ótti, onda Qazaqstandaǵy jol-kólik ınfraqurylymyn ustaý jáne damytý boıynsha Qoǵamnyń odan ári qyzmetiniń ózekti máseleleri men senarıleri qaraldy. 

Investısıa jáne damý birinshi vıse-mınıstri Jeńis Qasymbektiń tóraǵalyq etýimen ótken keńes aqyly avtomobıl joldaryn damytý senarıin, «QazAvtoJol» UK» AQ taýarlary, jumystary, kórsetiletin qyzmetterin satyp alý qaǵıdasyna engizilgen tolyqtyrýlardy, 2014 jylǵy ishki aýdıt qyzmetiniń jyldyq esebi jáne Qoǵamnyń basqa da mańyzdy máselelerin qarady.

Atap ótsek, keńeste «QazAvtoJol» UK» AQ 2014 jylǵy ishki aýdıt qyzmetiniń jyldyq esebi bekitilip, 2014 jylǵy aýdıt nátıjeleri boıynsha qabyldanǵan sharalar týraly qoǵam basqarmasynyń esebi maquldandy. Osy másele boıynsha dırektorlar keńesi qoǵam basqarmasyna QR zańnamasynyń, Qoǵamnyń ishki qujattarynyń saqtalýyn, Túzetý sharalar josparynyń oryndalýyn baqylaýdy kúsheıtýdi tapsyrdy.

Sonymen qatar, Keńes 2016 jylǵy 2 kezeńde «Astana - Atbasar» jáne «Qyzylorda - Shymkent» ýchaskelerinde aqyly qozǵalysty uıymdastyrý múmkindigin talqylady. Basqarýdyń tıimdi júıesin qalyptastyrý maqsatynda «KazToll» JSHS enshiles kompanıasyn qurý usynysy qozǵaldy, oǵan aqyly qozǵalysty uıymdastyrý jáne respýblıkalyq mańyzy bar aqyly avtomobıl joldaryn damytý jónindegi ókilettikter beriledi.

Esterińizge salr bolsaq, 27 qazanda Memleket basshysy «Qazaqstan Respýblıkasynyń jol-kólik ınfraqurylymyn, kólik logıstıkasyn jáne avıatasymaldy damytý máseleleri jónindegi keıbir zańnamalyq aktilerine ózgerister men tolyqtyrýlar engizý týraly» Qazaqstan Respýblıkasynyń zańyna qol qoıdy. Osylaısha, Zańǵa sáıkes «QazAvtoJol» UK» AQ Ulttyq operatoryna jańa ókilettikter berildi, Qazaqstandaǵy jol-kólik ınfraqurylymyn ustaý jáne damytý jónindegi jalǵyz operator bolyp jarıalandy.