Fransıaǵa sapary aıasynda elbasy Nursultan Nazarbaev Fransıanyń iri kompanıa basshylarymen kezdesti. Bul týraly «Qamshy» portaly  habarlaıdy.

Prezıdent N. Nazarbaev Aubert&Duval kompanıasynyń prezıdenti Jorj Dúvalmen, Óskemen tıtan-magnıı kombınatynyń prezıdenti Ásem Mamýtovamen, Total kompanıasynyń bas atqarýshy dırektory Patrık Pýıannemen jáne Peugeot Citroón kompanıasynyń basqarma tóraǵasy Karlos Tavarespen kezdesti.

Elbasy kezdesýler kezinde Óskemendegi júzege asyp jatqan ındýstrıaldyq baǵdarlamanyń qos el úshin de tıimdiligin atap ótip, tıtan-magnıı óndirý jumysy boıynsha esepti tyńdady. Patrık Pýıannmen kezdesýde N. Nazarbaev kómirsýtegi shıkizatyn óndirý salasyndaǵy áriptestikti sóz etip, Total kompanıasynyń Qazaqstandaǵy jemisti jumysyn atap ótti. P. Pýıann óz kezeginde Elbasyǵa Qashaǵan ken ornyn ıgerý men basqa da elimizdegi ınvestısıalyq jobalar týraly áńgimelep berdi.

Fransıalyq avtokólik shyǵarýshy kompanıa basshysymen bolǵan kezdesýde qazaqstandyq avtomobıl qurastyrýshylarmen áriptestik jaıy sóz etildi. K. Tavares N. Nazarbaevqa sońǵy eki jyl kóleminde qazaqstandyq áriptesterimen birikken jobalar týraly aıtyp berdi.

Bilál Qýanysh

Parıj