VKontakte áleýmettik jelisindegi tanymal "PornoMania" toby qostanaılyq prokýrorlardyń kúdigin týǵyzǵan. Bul týraly «Qamshy» portaly Qostanaı oblystyq prokýratýrasynyń baspasóz qyzmetine silteme jasap habarlaıdy.

Toptaǵy jazbalardyń mazmunyn zerdeleı kele prokýrorlar ol topty jabý týraly sheshim shyǵarǵan.

«Toptyń ataýy jáne ondaǵy jarıalanymdar pornografıany nasıhattaýǵa, onyń ishinde balalar arasynda taratýǵa baǵyttalǵany aıdan anyq. Topqa 494 jasóspirim tirkelgen», - deıdi Qostanaı oblystyq prokýratýrasynyń baspasóz hatshysy Alma Nurseıitova. 

Topqa barlyǵy 40 myńǵa jýyq adam tirkelgen, olardyń ishinde myń jarymnan astamy qazaqstandyqtar, al, 127-i balalar delingen  prokýratýra taratqan habarlamada. Topta jynystyq qatynas sahnalanǵan pornografıalyq beınerolıkter ornalastyrylǵan.

Prokýrorlar áleýmettik jelidegi atalǵan topty kámletke tolmaǵandardyń jynystyq qol suǵylmaýshylyǵyna qarsy qylmystardyń aldyn alý sharalary kezinde áshkerelegen. Qazir basqa da osyndaı zańǵa qaıshy ınternet-qaýymdastyqtardy anyqtaý, buǵattaý jumystary júrgizilip jatqan kórinedi. Sonymen qatar, Bas prokýratýraǵa ınternet-resýrstardyń menshik ıeleri jáne ákimshilerimen zańǵa qaıshy kontentterdi joıý boıynsha jumys jumys júrgizý týraly usynys jasalǵan.

Jalpy, 29 qazan men 5 qarasha aralyǵynda 1 mıllıonnan astam qoldanýshysy bar osyndaı barlyǵy 26 ınternet-top anyqtalǵan. Olardyń ishinde 32 myń qoldanýshy – qazaqstandyqtar.