Qazaqstandyq ǵaryshker Toqtar Áýbákirov jaıly derekti fılm 2016 jyldyń sońynda shyǵady. Bul týraly «Qamshy» portaly Tengrinews-ke silteme jasap habarlaıdy.

Kartına rejıseri – Slambek Táýekel. Onyń aıtýynsha, kartına Toqtar Áýbákirovtiń 70 jyldyq mereıtoıyna jáne Qazaqstan ǵaryshkeriniń ǵaryshqa ushqanyna 25 jyl tolýyna arnalǵan. Qazaqtan shyqqan tuńǵysh ǵaryshker týraly derekti fılmniń túsirilim jumystary bıyl sáýir aıynda bastalǵan, biraq qarjylaı qıyndyqtardyń kesirinen toqtap qalǵan. Qazirgi ýaqytta túsirilim jumystary qaıta jańǵyryp, jyl sońyna deıin jalǵasyn tabady. Kórermender derekti fılmdi 2016 jyly Táýelsizdik kúni qarsańynda kóre alady.  

Rejıserdiń aıtýynsha, kartınanyń hronometrajy 52 mınýt nemese 26 mınýttan turatyn eki serıa. "Biz derekti fılm túsirip jatyrmyz - negizinen qazaqtyń birinshi ǵaryshkeriniń ómirbaıany. Sebebi 70 jas - mereıtoı. Kartına osy adamnyń bıografıasymen baılanysty, onyń tulǵa bolyp qalyptasýy jaıly. Kórermenge aıtarymyz bar. Ókinishke qaraı, derekti fılmde prokat bolmaıdy. Mundaı kınony tek televızıalyq ekrannan kórýge bolady. Sondyqtan biz ony televızıalyq formattyń negizinde jasap jatyrmyz. Fılm Qazaqstannyń Mádenıet jáne sport mınıstrliginiń tapsyrysymen "Qazaqfılm" AQ kınostýdıasynda túsirilip jatyr", - dedi rejıser. 

Onyń aıtýynsha, taıaýda ol Toqtar Áýbákirovpen birge Máskeýge ushady. Al, ǵaryshkerdiń ómirindegi mańyzdy jerler Avstrıa men Grýzıaǵa barýǵa túsirilim tobynyń qarajaty joq. "Jumysty kesh bastadyq jáne qarajat joq. Biraq bárimiz entýzıastpyz jáne ony árbir qazaqstandyqqa jetkizgimiz keledi", - dedi Táýekel.