Ene men kelin arasyndaǵy janjal adam ólimimen aıaqtaldy. Turmystyq janjal saldarynan 85 jastaǵy keıýana kóz jumdy. Bul týraly «Qamshy» portaly rgmedia.kz/-ke silteme jasap habarlaıdy.

Almaty oblystyq İİD-degiler osyndaı bir jantúrshigerlik oqıǵaǵa qatysty qylmystyq is qozǵady. Oqıǵa 4 qarasha kúni tańǵy ýaqytta oryn alǵan. 35 jastaǵy kelin 85-tegi enesimen janjaldasyp qalady. Sońynda keıýana kóz jumǵan. Bul sátte úıde otbasynyń ózge músheleri bolmapty.

Sot-medısınalyq saraptama nátıjesinde ájeıdiń mehanıkalyq asfıksıadan qaıtys bolǵany rastalǵan. Al kelin enesin qylqyndyryp óltirdi degen kúdikpen ýaqytsha ustaý ızolátoryna qamaýǵa alyndy jáne aýyr qylmysyn moıyndaǵan. Aldyn ala derekter boıynsha, kisi óltirýge enesi men kelininiń arasyndaǵy burynnan bar kelispeýshilik sebep bolǵan.