Almatynyń bir top turǵyny qaladaǵy tramvaı deposyn jappaýdy surap Prezıdent atyna jazylǵan petısıaǵa qol jınaýdy bastady. Bul týraly «Qamshy» portaly habarlaıdy.

Petısıa avtorlarynyń oıynsha, qyrkúıek, qazan aılarynda bolǵan tramvaı apattary depony jabý maqsatymen arnaıy uıymdastyrylýy múmkin. Buryn eshqaıda qaǵylmaı-soǵylmaı júrgen kólikterdiń az merzim ishinde eki ret iri apatqa ushyraýy olardyń kúdigin týǵyzǵan.

«Tramvaı kóligin toqtatý úshin aqparattyq sebep kerek boldy jáne ol sebepti osylaı qoldan jasady» delingen petısıada.

Sondaı-aq, qujatqa qol qoıǵandar jergilikti basshylyqtyń tramvaı jolaýshylar tasymaldaý júktemesin sheshpeıdi, jol qozǵalysyna kedergi keltiredi degen ýájimen kelispeıdi jáne Almatydaǵy aýyr ekologıalyq jaǵdaıda óte qajetti kólik dep sanaıdy.

4 kún ýaqyt ishinde petısıaǵa júzden astam adam qol qoıǵan.

Esterińizge salsaq, 31 qazannan beri Almatydaǵy tramvaı deposy ýaqytsha jóndeýge jabylǵan bolatyn. Turǵyndar arasynda depo terıtorıasy satylǵaly jatyr degen de sybys  tarap úlgerdi.