Qazaqstan premer-mınıstriniń orynbasary Darıǵa Nazarbaeva otandyq densaýlyq saqtaý júıesiniń kemshilikteri jaıly pikirin aıtty, - dep habarlaıdy «Qamshy» portaly Tengrinews.kz-ke silteme jasap.
Astana ákimdiginde D. Nazarbaeva densaýlyq saqtaý júıesindegi jumysshylarmen kezdesti. Sonymen qatar, kezdesý barysynda QR densaýlyq saqtaý jáne áleýmettik damý mınıstri Tamara Dúısenova memlekettik "Salamatty Qazaqstan" densaýlyq saqtaý baǵdarlamasynyń damýynyń qorytyndysy jáne 2016-2019 jyldarǵa arnalǵan jańa "Densaýlyq" memlekettik baǵdarlamasy jobasy jaıly aıtyp berdi.
"Densaýlyq saqtaý júıesinde kemshilikterdiń bar ekenin, árıne, bilemiz. Biz muny Parlamentte de aıttyq jáne búgin osy taqyrypty keńinen talqylaýǵa múmkindigimiz barda problemalardyń qalyp otyrǵanyn jáne óz sheshimin talap etetinin kórip otyrmyz. Árıne, densaýlyq saqtaý sıaqty úlken salada qandaı da bir shuǵyl ózgerister men jumaqtaǵydaı ómir kele salmaıdy. Bul árdaıym júrip otyratyn proses. Oǵan adamı resýrsy kóp qajet, qarjylaı da, basqa da talaptar qajet etiledi. Sondyqtan, árıne, bárimiz shydamdy bolýymyz kerek. Biz búgin halyqtyń kórip otyrǵan medısınalyq járdemge qatysty shaǵymy jaıly, medısınalyq kómektiń qoljetimdiliginiń deńgeıin aıtyp otyrmyz. Jalpy alǵanda kóńil tolmaýshylyq jáne qanaǵattanbaǵandyq joǵary deńgeıde baıqalyp otyr. Eki taraptyń da kóńili tolmaıdy. Dárigerlerdiń de, azamattardyń da kóńili tolmaıdy", - dedi Darıǵa Nazarbaeva.
Qazaqstan premer-mınıstriniń orynbasarynyń aıtýynsha, elimizde medısınalyq kómekti shetelden alǵysy keletinderdiń qatary kóbeıgen. "Qarjylandyrý alady, kezekte turady, barlyq joldy paıdalanady. Al sheteldik kóptegen mamandar dárigerlerimizdiń daıyndyǵynyń deńgeıi jaqsy deıdi, onyń ústine operasıa jasatý úshin adamdardy syrt elderge beker jiberetinimizdi aıtady, olar sol operasıany ózimizde de jasaýǵa bolatynyn aıtty. Desek te, kemshilikter joıylmaı otyr. Munda másele medısınalyq jumysshylardyń tómen quzyry jaıly, osy saladaǵy mamandardy daıyndaýdyń tómen deńgeıde ekeni jaıly. Muny bárimiz jaqsy bilemiz", - dedi Nazarbaeva.
Premer-mınıstrdiń orynbasary densaýlyq saqtaý salasyna sońǵy jyldary quıylyp jatqan qarajattyń kóbeıgenin aıtty. "Bul arqyly jańa aýrýhanalar saldyq, jańa emhanalar ashtyq, eń jańa medısınalyq jabdyqtardy satyp aldyq, biraq problemalar óte kóp. Medısınalyq mekemelerdiń aıtarlyqtaı bóligi apattyq jaǵdaıda tur, eski. (...) Sondyqtan bul másele dereý arada sheshilýi tıis. Jáne munyń barlyǵy da qaýyrt jaǵdaıda bolyp otyr. Shıkizatqa degen halyqaralyq ekonomıkalyq konúnktýranyń qandaı bolyp otyrǵanyn bilip otyrmyz, sáıkesinshe, memlekettik búdjetimizdiń tabysy azaıyp otyr. Bárimiz de shyǵyndarymyzdy qatań túrde únemdeý fazasyna ótip jatyrmyz. Biraq Memleket basshysy áleýmettik sala - densaýlyq saqtaý, áleýmettik qorǵanys jáne bilim berý degen sıaqty salalarda búdjet qysqartýynyń bolmaýy kerektigin aıtty. Ármen qaraı damı bergeni jáne qyzmettiń jaqsarǵany kerek. Bul osyndaı basty postýlat", - dedi Darıǵa Nazarbaeva.
