Aqordanyń Facebook jelisindegi resmı paraqshasynda onlaın-brıfıngte Memleket basshysy Nursultan Nazarbaevtyń baspasóz hatshysy Dáýren Abaev «QazAqparat» Halyqaralyq aqparat agenttiginiń saýalyna jaýap berdi. Bul týraly «Qamshy» portaly habarlaıdy.
«RF Memlekettik Dýmasynyń TMD isteri jónindegi Komıtet Tóraǵasy Leonıd Slýskııdiń qazirgi ýaqytta EAEO elderi úshin biryńǵaı esep aıyrysý birligin qurý boıynsha jumystar júrgizilip jatyr degen sózine qatysty ne aıta alasyz?» degen saýalǵa Dáýren Abaev: «Qazirgi tańda esep aıyrysý birligi men EAEO ortaq valútasyn qurý máselesi kún tártibinde turǵan joq. Bul másele ıntegrasıalyq birlestiktiń bir de bir deńgeıinde talqylanyp jatqan joq», - deıdi óz jaýabynda Dáýren Abaev.
