Sıngapýrlyq mamandar AQSH ǵalymdarymen birlese otyryp bolashaq urpaq úshin eń zıandy taǵamdy anyqtaý maqsatynda arnaıy zertteý júrgizdi. Bul týraly «Qamshy» portaly planet-today.ru-ǵa silteme jasap habarlaıdy.

Zertteý barysynda balalarǵa jedel daıarlanatyn taǵamdar, sonyń ishinde, qýyrylǵan taýyq, kartofel frı, chızbýrger, chıpsy jáne basqa da osy tektes taǵamdar óte zıandy ekeni anyqtaldy.  Oǵan qosa quramynda táttiligi joǵary kámpıt, shokoladtardy da mólshermen berý kerek.

Statısıkalyq málimetterge súıensek, artyq salmaq bitken jasóspirimder qatary jyl sanap artyp keledi. Máselen, ádettegi chıpsy men úıde pisirilgen kartop bir nárseden jasalǵanymen, olardyń quramynyń aıyrmashylyǵy jer men kókteı. Chıpsy quramynda kalorıa kóp bolady, alaıda onyń adam aǵzasyna esh paıdasy bolmaıdy.

Mamandar ata-analarǵa balalarynyń qalaı tamaqtanyp júrgenin muqıat qadaǵalap otyrý kerektigin eskertedi. Tek osylaısha ǵana fızıkalyq jáne psıhologıalyq turǵyda saý urpaq tárbıelep ósirýge múmkindik týady.