Qaraǵandylyq sán agenttiginiń dırektory 16-22 jas aralyǵyndaǵy boıjetkenderdi shetelge tán saýdalaýǵa jiberip otyrǵan. Bul týraly «Qamshy» portaly Baq.kz–ke silteme jasaı otyryp habarlaıdy.
«Uıymdasqan qylmysqa qarsy kúres basqarmasy qyzmetkerleri júrgizgen jedel izdestirý is-sharalary barysynda 21 jastaǵy sán agenttiginiń dırektory quryqtaldy. Qolda bar jedel aqparatqa sáıkes quryqtaý operasıasy sán agenttiginiń dırektory Birikken Arab Ámirligimen Bahreınge sán bıznesimen aınalysýǵa jiberilgen qyzdar ol jaqta jynystyq qatynas qyzmetin kórsetýge ıtermelegen», - delingen habarlamada.
Baspasóz qyzmetinen habarlaǵandaı, agenttik dırektory 16 men 22 jas aralyǵyndaǵy qyzdarǵa «qomaqty aqsha berem» dep aldap nemese qorqytyp kóndirip otyrǵan.
Qazirgi ýaqytta polısıa qyzmetkerleri 17 qyzdyń jeke basy anyqtaǵan, olardyń jartysy áli shetelde qalyp otyr.
«Jábirlenýshilerdiń arasynda 15 jastaǵy qyz bala da bar. Ol shetelge anasynyń qolhaty arqyly sán úıine fotosessıa jasaý maqsatynda baratyndyǵyn aıtyp ketken», - deıdi baspasóz qyzmetiniń mamandary.
Aıta óteıik, ustalǵan azamatshaǵa qatysty QR QK-niń 128 baby 3 tarmaǵy «adam saýdasy» boıynsha sotqa deıingi tergep -tekserý amaldary júrgizilýde. Qazirgi ýaqytta azamatsha ýaqytsha ustaý ızolátoryna qamaldy.
