Qaraǵandyda Qazybek bı aýdandyq prokýrorynyń kómekshisi jol-kólik oqıǵasyn jasaǵany úshin jaýapkershilikke tartylyp jatyr, - dep habarlaıdy «Qamshy» portaly «Interfaks-Qazaqstanǵa» silteme jasap.

10 qarasha kúni prokýratýra qyzmetkeri men onyń kómekshisi otyrǵan kólik qarsy baǵyttaǵy avtomobılmen soqtyǵysyp, osydan keıin prokýror júrgizýshi oryndyǵyna otyryp, apat bolǵan jerden ketip qalmaqshy bolǵan. 

"Muny kórgen ózge eki jolaýshy olardyń jolyn bógedi, degenmen áıel sol avtomobılderge qaraı júre beredi. Ol ustalyp, ákimshilik quqyq buzýshylyq jasaǵany úshin hattama toltyryldy. Onyń kómekshisiniń ústinen de hattama toltyryldy", - dedi polıseı.

Qaraǵandy oblysy prokýratýrasy "Interfaks-Qazaqstan" agenttigine osy derekti rastady. Vedomstvo ókili ujymdastarynyń ózderine júktelgen jaýapkershilikti tolyqtaı óteıtinin aıtty. "Qyzmettik ádep, memlekettik qyzmetkerdiń ádebi jáne basqa da normatıvtik aktter jumystan tys ýaqytta da mundaı qylyqtar jasaýǵa jol bermeıdi. Qazir qyzmettik tekseris taǵaıyndaldy", - dep habarlady prokýratýra.