Qazaqstandyq kásipqoı boksshy Qanat Islam kelesi kezdesýin Qytaıda ótkizýi múmkin. Bul týraly boksshynyń Feısbýk áleýmettik jelisindegi paraqshasynda jarıalandy.
Aspan asty elindegi kezdesý qazaqstandyq boksshynyń aldaǵy jylǵy alǵashqy jekpe-jegi bolmaqshy. Buǵan deıin tanymal mesenat Baýyrjan Ospanov Qanat Islamnyń kásibı boksta álemdik jetekshi kompanıamen kelisimshart jasasatynyn, sonymen qatar qazaqstandyq boksshyǵa Amerıka men Qytaıda qyzyǵýshylyqtyń joǵary ekenin aıtqan bolatyn.
Qytaı Halyq Respýblıkasy Qanattyń bir ret Qytaı boks alańynda WBA nusqasy boıynsha oıyn kórsetýin ótinip otyr. Sebebi, WBA nusqasy boıynsha ótkiziletin mundaı judyryqtasýǵa qyzyǵýshylardyń sany óte kóp. Ol ótkiziletin orynǵa qyrýar paıda ákeleri sózsiz.
Eske salsaq, Qanat Islam 8 qarashada Domınıkan Respýblıkasynyń boksshysy, 31 jastaǵy Djonatan Batıstamen kezdesken bolatyn. Ol qarsylasyn birinshi raýndta nokaýtqa túsirdi.
