ASTANA. QazAqparat - Aqtaý qalasy boıynsha «Óńirlerdi damytýdyń 2020 jylǵa deıingi baǵdarlamasyn» júzege asyrý maqsatynda» qala ákimdigi «QTQJB jelisi boıynsha «Halyqtyń barlyq sanatyna arnalǵan turǵyn úı» baǵyty boıynsha turǵyn úı alýǵa qala ákimdiginiń turǵyn úı kezeginde turǵan azamattardan ótinishterdiń qabyldanatyndyǵyn habarlaıdy, dep jazady aktau.gov.kz. 

1 sharshy metriniń baǵasy 115 myń teńge turatyn, jaılylyǵy İİİ synypty taza sylaqtalǵan turǵyn jaılar kelesideı kólemde usynylady.

32 a shaǵyn aýdandaǵy turǵyn úıden eki bólmeli 60 páter. Páterlerdiń aýdany 53,4 m² bastap 55,2 m² deıin.  

Tıisti tabys deńgeıi bolǵan kezde Baǵdarlama qatysýshysyna turǵyn úı jeke menshikke nemese satyp alý quqyǵymen jalǵa alýǵa beriledi.

Osy baǵdarlamaǵa qala ákimdiginiń turǵyn úı kezeginde turǵan kelesideı toptarǵa jatatyn azamattar qatysa alady:

1.   Jetim balalar, ata-anasynyń qamqorlyǵynsyz qalǵan balalar;

2.   Uly Otan soǵysynyń múgedekteri men qatysýshylaryna teńestirilgen adamdar;

3.   múgedek balalary bar nemese olardy tárbıeleýshi otbasylary;

4.   jasyna qaraı zeınet demalysyna shyqqan zeınetkerler;

5.   ekologıalyq zilzalalar, tabıǵı jáne tehnogendi sıpattaǵy tótenshe jaǵdaılar saldarynan turǵyn úıinen aıyrylǵan adamdar;

6.   kóp balaly otbasylar;

7.   tolyq emes otbasylar.

8.   memlekettik qyzmetshiler, búdjettik uıymdardyń qyzmetkerleri, áskerı qyzmetshiler, arnaýly memlekettik organ qyzmetkerleri jáne memlekettik saılanbaly qyzmet atqaratyn adamdar;

Adam basyna paıdaly alańynyń kólemi keminde on bes sharshy metr jáne on segiz sharshy metrden aspaıtyn, biraq keminde bir bólmeli páter nemese jataqhanadaǵy bólme bolǵan kezde turǵyn úı jaǵdaıyn jaqsartý maqsatymen turǵyn úıge muqtajdar esebinde turǵan adamdar Baǵdarlamaǵa qatysýǵa jiberilmeıdi.

Ótinish berýshiler mynadaı qujattardy tapsyrady:

1)   ótinish berýshi men onyń otbasy músheleriniń jeke basyn kýálandyratyn qujat (kóshirmeler);

2)   neke qıý (nekeni buzý), jubaıynyń/zaıybynyń qaıtys bolýy týraly, balalarynyń týý týraly kýálikteri (kóshirmeler), ótinish berýshiniń nekede turmaıtyndyǵy týraly ótinish;

3)   ótinish berýshiniń jáne onymen únemi birge turatyn otbasy músheleriniń Qazaqstan Respýblıkasynyń aýmaǵy boıynsha menshik quqyǵy bar úıiniń nemese keıinnen satyp alý quqyǵymen jalǵa beriletin turǵyn úıdiń bolýy nemese bolmaýy týraly anyqtama;

4)   ótinish berýshiniń jáne onymen únemi birge turatyn otbasy músheleriniń tıisti eldi mekende turatynyn rastaıtyn turǵylyqty jeri boıynsha tirkelgeni týraly mekenjaı anyqtamasy;

5)   jumys ornynan anyqtamasy (memlekettik qyzmetshilerge, búdjettik uıymdardyń qyzmetkerlerine, áskerı qyzmetshilerge, arnaýly memlekettik organ qyzmetkerlerine jáne memlekettik saılanbaly qyzmet atqaratyn adamdarǵa);

6)   otbasy músheleriniń múgedektigin nemese keıbir sozylmaly aýrýlardyń aýyr túriniń bolýyn rastaıtyn anyqtama; 

7)   Baǵdarlamaǵa qatysýǵa ótinish bergen sátte kezektilik nómirin kórsete otyryp, turǵyn úıge muqtajdardyń esebine qoıý týraly anyqtama;

8)   ótinish ıesiniń tabystar alǵanyn rastaıtyn anyqtama.

Qujattardy qabyldaý myna meken-jaı boıynsha júrgiziledi: 

4 shaǵyn aýdanda ornalasqan, Aqtaý qalasy ákimdiginiń servıstik ortalyǵyndaǵy jumys kúnderi: saǵat 09.00-den bastap saǵat 18.00-ge deıin, túski  úzilis saǵat 12.00-den bastap saǵat 14.00-ge deıin.

Ótinish qabyldaýdyń bastalýy - 2015 jyldyń 03 qarashasy, saǵat 09.00-den bastap. 

Ótinish qabyldaýdyń aıaqtalýy - 2015 jyldyń 05 qarashasy, saǵat 18.00.

Eskertpe:

Memlekettik mekemeler men qazynalyq kásiporyndar sharýashylyq júrgizý quqyǵyndaǵy memlekettik kásiporynǵa qaıta uıymdastyrylǵan jaǵdaıda, atalǵan sanat boıynsha turǵyn úıge muqtajdar esebinde turǵan adamdar «Búdjettik uıymdardyń qyzmetkerleri» sanatyna teńestiriledi 

Derekkóz: QazAqparat