Keshe elordada Premer-Mınıstr Kárim Másimovtiń qatysýymen Eýrazıalyq yqpaldastyqtyń negizgi máse­lelerine arnalǵan Astana klýbynyń I otyrysy bolyp ótti.
Astana klýby Eýrazıa aıma­ǵy­nyń ózekti damý máselelerin talqylaýǵa arnalǵan halyqaralyq pikirtalas alańy dep tanyldy. Klýbtyń uıymdastyrýshylary – Qazaqstan Respýblıkasy Tuńǵysh Prezıdenti – Elbasynyń Qory men Álemdik ekonomıka jáne saıa­sat ınstıtýty. Klýbtyń áriptes­teri jetekshi zertteý ortalyq­tary: Qytaı qazirgi zamanǵy halyq­aralyq qatynastar akademıa­sy, Germanıanyń syrtqy saıasat jó­nin­degi keńesi, Reseıdiń halyq­ara­lyq ister jónindegi keńesi, Ha­lyqaralyq beıbitshilik úshin Karnegı qory.
Astana klýbynyń alǵashqy otyrysyna AQSH, Reseı, Eýropalyq keńes, Qytaı, Túrkıa, Iran jáne ózge de elderden 50-den astam ekonomıka, saıasat, halyqaralyq qatynastar salasyndaǵy jetekshi sarapshylar jınaldy. Olar aımaqtyń damýyna yqpal etetin ózekti máselelerdi Reseı men Batys arasyndaǵy daǵdarystyń qandaı qaýipter týdyratynyn jáne qandaı múmkindikter ákeletinin, Qazaqstan Batys pen Shyǵys arasyndaǵy kópir bola ala ma degen máseleni, «Jibek joly ekonomıkalyq beldeýi» atty jańa ınfraqurylymdyq joba damýdyń qandaı múmkindikterin ashatynyn, kólik dáliziniń básekelestigi qandaı jolǵa aparatynyn talqylady.
Klýbtyń birinshi otyrysynda birlesken baıandama jasaldy, onda aımaqtyń basty keıip­kerleri Reseıdiń, Qytaıdyń, EO elderiniń, AQSH-tyń jáne Qa­zaq­stannyń múddeleri, sondaı-aq, kúshti jáne álsiz jaqtary sıpattalǵan. Talqylaýdyń qory­tyn­dysy boıynsha baıandama tolyq­tyrylyp, jaqyn arada ha­lyq­aralyq sarapshylar qaýym­dastyǵyna usynylatyn bolady.
«Eýrazıalyq ekonomıkalyq odaq áli kúnge deıin bizden Qa­zaqstan ustanymyn suraıdy. Eý­razıalyq yqpaldastyq týraly tuńǵysh ıdeıany 1994 jyly Máskeýdegi M.V.Lomonosov atyn­daǵy MMÝ-de oqyǵan dárisinde Prezıdenttiń ózi jarıa etken bolatyn. Biz ol jobany qoldaımyz, biraq oǵan prag­ma­tıkalyq jáne praktıkalyq turǵyda, ekonomıkalyq odaq re­tinde ǵana, saıası astary joq joba retinde qaraımyz. Bizdiń ustanymymyz osyndaı», – dedi Premer-Mınıstr K.Másimov.
Sonymen qosa, ol Táýel­siz­dikke qol jetkizgeli beri Mem­leket basshysy Nursultan Nazarbaev álemniń barlyq derlik memleketterimen kópvektorly jáne beıbit qarym-qatynastar ustanyp kele jatqanyn já­ne Reseı men Qytaı bizdiń stra­te­gıalyq seriktesterimiz ekenin, al Eýropa­lyq odaqpen aldaǵy jel­toqsan aıynda seriktestiktiń serpindi kelisimine qol qoıylatynyn aıtty.
«Prezıdent Nursultan Nazarbaevtyń qyrkúıek, qazan, qarasha aılaryndaǵy saparlaryn qaraıtyn bolsaq, geografıasy san túrli. Ol álemniń barlyq iri «oıynshylarymen» kezdesti dese de bolady. Prezıdentimiz jaqynda ǵana Ulybrıtanıa men Fransıadan oraldy. Barlyq osy kezdesýler bir-birimen tyǵyz baılanysty», – dedi K.Másimov.
Djordjtaýn ýnıversıteti Eýrazıany, Reseı men Shyǵys Eýropany zertteý jónindegi ortalyǵynyń dırektory Andjela Stent jańa pikirsaıys alańyn qurý mańyzdylyǵyn atap kórsetti. «Eýrazıany damytý máseleleriniń dál osy Qazaqstanda talqylanýynyń ózi qısyndy. El kópvektorly saıasat júrgizedi jáne túıisý núktelerin izdegen únqatysýda «adal broker» bola alady», dep atap ótti Stent hanym.
«Biz Astanaǵa Eýrazıalyq óńirdiń damý máseleleri boıynsha óz ustanymdaryn ashyq áńgimede búkpesiz bildire alatyn bedeldi halyqaralyq sarapshylardyń kelgenine qýanyshtymyz. Mundaı únqatysý óte mańyzdy, óıtkeni, búginde Eýrazıa álemniń bas­ty nazarynda tur – EAEO-ny qurý, «Jibek jo­lynyń ekonomıkalyq beldeýi» jobasynyń bastalýy sıaqty asa mańyzdy geosaıası oqıǵalar dál osy jerde ótýde», dep atap kórsetti Qazaqstannyń Tuńǵysh Prezıdenti Qory janyndaǵy Halyqaralyq ekonomıka jáne saıasat ınstıtýtynyń basshysy Sultan Ákimbekov.

Derekkóz: Egemen Qazaqstan