Qazaqstan Respýblıkasynyń Ulttyq Banki 2015 jylǵy 13 qarashadan bastap, «Este qalatyn oqıǵalar men birtýar adamdar» monetalar serıasynan nomınaly 500 teńgelik, «rroof» sapaly kúmisten jáne nomınaly 50 teńgelik neızılber qospasynan «M. Ǵabdýllınge 100 jyl» eskertkish monetalaryn, sondaı-aq nomınaly 500 teńgelik, «rroof» sapaly kúmisten Eýrazıalyq ekonomıkalyq odaqtyń jumys isteýine bir jyl tolýyna arnalǵan «Eýrazıalyq ekonomıkalyq odaq» eskertkish monetalaryn aınalymǵa shyǵarady. Bul týraly «Qamshy» portaly QR Ulttyq banki baspasóz qyzmetine silteme jasap habarlaıdy.
«Eýrazıalyq ekonomıkalyq odaq» eskertkish monetalary Eýrazıalyq ekonomıkalyq komısıasynyń Eýrazıalyq ekonomıkalyq odaqqa múshe memleketterde Odaqtyń bir jyldyǵyna eskertkish monetalardy qatar shyǵarý jónindegi usynysyna sáıkes daıyndaldy. Monetanyń syrt jaǵy tampobasýdy qoldana otyryp oryndalǵan.
Monetalardyń bet jaǵynda (aversinde) ortalyq bóliginde memlekettik tildegi «QAZAQSTAN RESPÝBLIKASY», moneta daıyndalǵan metaldy, onyń synamyn jáne massasyn bildiretin «Ag 925 31,1 g», orys tilindegi «RESPÝBLIKA KAZAHSTAN» degen jazbalardyń jáne ulttyq oıý-órnek qorshaýynda Qazaqstan Respýblıkasynyń eltańbasy beınelengen. Tómengi bóliginde monetanyń nomınalyn bildiretin «500 TEŃGE» degen jazba, joǵary bóliginde Qazaqstan Respýblıkasy Ulttyq Bankiniń logotıpi ornalasqan.
Monetalardyń syrt jaǵynda (reversinde) ortalyq bóliginde tampobasýdy qoldana otyryp oryndalǵan memlekettik týlardyń jáne EAEO-ǵa qatysýshy elderdiń ulttyq oıý-órnekteriniń qorshaýynda Eýrazıalyq ekonomıkalyq odaqtyń logotıpi beınelengen. Aınaldyra memlekettik tilde «EÝRAZIALYQ EKONOMIKALYQ ODAQ», orys tilinde «EVRAZIISKII EKONOMICHESKII SOIýZ» degen jazba jáne soǵylǵan jylyn bildiretin «2015» degen san ornalasqan.
Monetalardyń bet jáne syrt jaǵyndaǵy beıneler men jazbalar bederlengen, aınaldyra shyǵyńqy jıek.
Qyry (gýrty) bederli.
Monetalar 925 synamdy kúmisten jasalǵan, massasy - 31,1 gr, dıametri - 38,61 mm, daıyndaý sapasy - «proof», taralymy - 1 myń dana.
Sondaı-aq, Keńes Odaǵynyń Batyry, akademık, qoǵam qaıratkeri, jazýshy Málik Ǵabdýllınniń týǵanyna 100 jyl tolýyna oraı, bas bank «M. Ǵabdýllınge 100 jyl» kúmisten jáne neızılber qospasynan jasalǵan monetalarn shyǵaryp otyr. Olardyń syrt jaqtaryndaǵy beıneler birdeı. «Rroof» sapaly kúmis monetalardaǵy beıne jyltyr betke salynǵan.
Monetalardyń syrt jaǵynda (reversinde) oń bóliginde Málik Ǵabdýllınniń beınesi ornalasqan. Portrettiń sol jaǵynda memlekettik tildegi «100 JYL» degen jazba bar. Aınaldyra memlekettik tilde «MÁLİK ǴABDÝLLIN» degen jazba jáne soǵylǵan jylyn bildiretin «2015» degen san ornalasqan.
Kúmis monetalardyń bet jaǵynda (aversinde) joǵary bóliginde bes ret buralyp órnektelgen segiz buryshty rozetkanyń jáne memlekettik tildegi «QAZAQSTAN ULTTYQ BANKİ» jazbanyń qorshaýynda Qazaqstan Respýblıkasynyń eltańbasy beınelengen. Tómengi bóliginde monetanyń nomınalyn bildiretin «500 TEŃGE» degen jazba ornalasqan. Nomınaldan solǵa qaraı monetanyń massasyn bildiretin «24 g» degen jazba, oń jaǵynda moneta daıyndalǵan metaldy jáne onyń synamyn bildiretin «Ag 925» degen jazba bar. Monetany aınaldyra monshaq tárizdes tizbek júrgizilgen.
Neızılber qospasynan jasalǵan monetalardyń bet jaǵynda (aversinde) joǵary bóliginde Qazaqstan Respýblıkasynyń eltańbasy beınelengen. Eltańba beınesinen ońǵa qaraı «QUB» abrevıatýrasy ornalasqan. Tómengi bóliginde monetanyń nomınalyn bildiretin «50 TEŃGE» degen jazba ornalasqan. Nomınaldan solǵa jáne ońǵa qaraı ulttyq oıý-órnektiń elementi beınelengen. Aınaldyra memlekettik tilde «QAZAQSTAN ULTTYQ BANKİ» degen jazba bar.
Monetalardyń bet jaǵyndaǵy jáne syrt jaǵyndaǵy beıneler men jazýlar bederlengen, aınaldyra shyǵyńqy jıek.
Qyry (gýrty) bederli.
Monetalar:
- 925 synamdy kúmisten, massasy - 24 gr, dıametri - 37 mm, daıyndaý sapasy «proof», taralymy - 1 myń dana;
- «neızılber» qospasynan, dıametri - 31 mm, massasy - 11,17 gr, taralymy - 100 myń dana.
Nomınaldyq quny 500 teńgelik jáne 50 teńgelik eskertkish monetalar Qazaqstan Respýblıkasynyń búkil aýmaǵynda kórsetilgen qunymen tólemniń barlyq túrleri boıynsha, sondaı-aq bank shottaryna esepteý úshin jáne aýdarý úshin qabyldanýǵa mindetti, Qazaqstan Respýblıkasynyń barlyq bankterinde shekteýsiz usaqtalady jáne aıyrbastalady.
Eskertkish monetalardy «Qazaqstan Respýblıkasy Ulttyq Bankiniń Qazaqstan teńge saraıy» sharýashylyq júrgizý quqyǵyndaǵy respýblıkalyq memlekettik kásiporny daıyndaǵan.
Monetalardyń dızaıny Qazaqstan Respýblıkasy Prezıdentiniń 2003 jylǵy 25 qyrkúıektegi №1193 Jarlyǵymen bekitilgen Qazaqstan teńgesi - ulttyq valúta banknottary men monetalary dızaınynyń tujyrymdamasyna sáıkes ázirlengen.
«Proof» sapasymen jasalǵan monetalar koleksıalyq quny boıynsha satýǵa arnalǵan. Olar kádesyılyq oraýmen shyǵarylady jáne Qazaqstan Respýblıkasy Ulttyq Bankiniń memlekettik, orys jáne aǵylshyn tilderindegi nómirlik sapa sertıfıkatymen jabdyqtalǵan.
Neızılber qospasynan jasalǵan monetalardyń alty myń danasy jaqsartylǵan sapamen daıyndalǵan jáne satý úshin arnaıy plasıkalyq termovakýýmdy oraýǵa salynǵan.
Monetalardy Qazaqstan Respýblıkasy Ulttyq Bankiniń barlyq fılıaldarynda, sondaı-aq QRUB-nyń www.nationalbank.kz saıtynyń «Ulttyq valúta» paraqshasyndaǵy ınternet - dúken arqyly satyp alýǵa bolady.
