Keshe Fransıa astanasy Parıjde birneshe lańkestik oqıǵalar boldy. Onda 140-tan astam adam qaza bolǵan, - dep habarlaıdy «Qamshy» portaly.

Belgisiz bireýler qaladaǵy meıramhanalardyń birinde oq atqan, «Stad de Frans» stadıonynyń maiaıynda úsh birdeı jarylys bolǵan. Jarylys kezinde stadıonda ótip jatqan Fransıa- Germanıa fýtbolshylarynyń oıynyn el prezıdenti Fransýa Olland tamashalap jatqan eken. Sondaı-aq, rok-konsert ótip jatqan «Bataklan» teatry ǵımaratynda lańkester kórermenderdi tutqynǵa alǵan. Júzdegen tutqynǵa oq atqan.

Túrli BAQ-tardyń málimetinshe, jarylystar men atys saldarynan 140-tan astam adam qaza bolyp, 132 adam jaraqat alǵan. Alaıda, SNN telearnasy qaıtys bolǵandar sany kemi 153 adam, onyń 112-i konsert zalynda kóz jumǵan degen aqparat taratty. Konsert zalynda ózin-ózi jaryp jibergen 2 lańkes pen shabýyldaý kezinde polısıa oǵynan kóz jumǵan on shaqty sodyrdan basqa lańkester jaqtan qaza bolǵandar týraly naqty málimet joq.