Almaty oblysy Panfılov aýdandyq mádenıet úıiniń dırektory K.Jaqybalıevaǵa qatysty úkim shyǵaryldy. Bul týraly «Qamshy» portaly QazAqparatqa silteme jasap habarlaıdy.

Oblystyq sottyń baspasóz qyzmetiniń aqparaty boıynsha, ol Panfılov aýdany aýyldyq okrýgterindegi mádenıet úıleriniń dırektorlarynan olarǵa qamqorlyq kórsetkeni úshin áldeneshe ret qoı maly túrinde para alyp otyrǵan. Paranyń jalpy kólemi 57 000 teńgeni quraǵan.

Sot úkimimen K.Jaqybalıeva QR QK 4-bólimi, 366-babynyń 4-tarmaǵy boıynsha (áldeneshe ret para alý) aıypty dep tanyldy. Oǵan paranyń jetpis bes ese mólsherinde 3 990 000 teńge kóleminde aıyppul salynyp, múlki tárkilendi jáne ómir boıy belgili bir laýazymdardy atqarý quqyǵynan aıyryldy.

Úkim zańdy kúshine engen joq.