Qazaqstandyq «Kúrke» fılmi álemdik deńgeıdegi  kınofestıvalderdiń bas júldesine usynyldy.  Bul týraly «Qamshy» portaly «Astana» arnasyna silteme jasap habarlaıdy.

«Kúrke» dep atalatyn art-haýs janryndaǵy kórkem fılm Avstralıada ótetin «Azıalyq Oskar» dárejesindegi óner baıqaýynyń short-paraqshasyna engen. 

Kartına buǵan deıinde TMD, Eýropa jáne Azıa elderinde birneshe kınobaıqaýlarda úzdikter qatarynan tabylǵan. Fılmge qazaq jigiti Sapar men qyrǵyz qyzy Aıshúrek arasyndaǵy ǵashyqtyq sezim arqaý bolǵan. Mal baǵyp júrip tanysqan eki jastyń kúrke ishindegi ómiri sheber sýretteledi. «Kartınanyń tabıǵaty erekshe. Fılm kórermendi únsiz otyryp kúldiredi, únsiz otyryp oıǵa batyrady», - deıdi rejıser. Fılm qazaqstandyq kórermen nazaryna kelesi jyldyń basynda usynylady. 

«Bul men úshin úlken dáreje bolyp otyr. Óıtkeni eń alǵashqy, debúttik fılmim. Rejıser retinde tyrnaqaldy týyndym. Fılmim Avstralıada ótetin úlken kınofestıvalge nomınant bolyp, endi eń úzdik senarı nomınasıasynda tur. Qazaqstannan osy fılm bekitilip otyr. Endi jıyrmasynan keıin sol Avstralıaǵa jol júrgeli otyrmyz», - deıdi qoıýshy rejıser Kenjebek Shaıqaqov.