Aıaq astynan nannyń qadyr-qasıetin túsindirip qyzyq boldy-aý! Radıony ashyp qalsań, teledıdardy basyp qalsań meniń ájemniń mıyma quıyp ketkenin esime túsirip álek. Buryn qaıda qalǵan? Nan baǵasynyń qymbattaýyn osymen jýyp shaıǵylary keledi. Nannyń baǵasynyń qymbat bolǵany durys! Oǵan jumsalyp kelgen sýbsıdıanyń basqa maqsatqa jumsalǵany da kóńilge qonady. Tek, osyǵan deıin "shalqyp" ómir súrgende, qasıetti nan tabannyń astynda taptalyp jatqanda nege aıtpadyńyzdar muny? Nege sol kezde kúndiz-túni saıramadyńyzdar? Nege sol kezde baǵasyn kótermedińizder? Nannyń qadirin biletin jurt ol kezde qyńq demes edi ǵoı! Endi qaıta-qaıta nannyń qadirin aıtyp, onsyz da kóńili pás jurttyń mıyn jemeı shyndyqty aıtaıyq. "Jaǵdaı qıyn! Memleket jyrtyǵyn jamaý úshin osyndaı qadamdarǵa baryp otyr!" Biz túsinemiz. Áıtpese, erteń kúrishtiń qadirin, búrsigúni qanttyń qadirin, sosyn sýdyń qadirin aıtyp kete beretin sıaqtymyz ǵoı...

Arman Sqabylulynyń «Feısbýk» paraqshasynan