Keler jyly Almaty qalasynda 6 jańa saýda-oıyn saýyq ortalyǵy ashylady. Olardyń jalpy kólemi jarty mıllıon sharshy metrdi quraıtyn bolady. Bul týraly jyljymaıtyn múlik jónindegi sarapshy, Colliers Kazakhstan Baıan Qýatova aıtyp otyr.

«Búkil Qazaqstan boıynsha 250 halyqaralyq brendtik kompanıalar jumys isteıdi. Olardyń ishinde reseılikter de bar. solardyń tek 50 shaqtysy ǵana iri saýda jelilerine ıe» degen sarapshy osy jyldyń aıaǵy nemese keler jyldyń basynda Almatydaǵy Altynsarın dańǵyly men Qabdolov kóshesiniń qıylysynda Grand Park Almaty saýda ortalyǵy ashylatynyn aıtty. Ortalyqtyń jalpy kólemi 250 sharshy metrdi quraıdy.

Sondaı-aq, Baǵanashyl yqshamaýdanynda 31 myń sharshy metrlik Villa Bountiques & Restaurants  ortalyǵy 2016 jyldyń birinshi toqsanynda iske qosylady. Ál-Farabı men Jeltoqsan dańǵyldarynyń qıylysynda salynyp jatqan AFD Plaza saýda galereıasy kelesi jyldyń ekinshi toqsanynda ashylady dep kútilýde. Onyń aýmaǵy 10 myń sharshy metrden asyp jyǵylady.

2016 jyldyń úshinshi toqsanynda «Forým» (Seıfýllın-Tımırázev qıylysy), «Máskeý» (Abaı-Altynsarın qıylysy), Passage de Paris (Fýrmanov-Gandı qıylysy) atty taǵy úsh saýda-oıyn saýyq ortalyǵy ashylady. Olardyń aýmaǵy 30-dan 155 myń sharshy metr aralyǵyn quraıdy.

Sarapshynyń aıtýynsha, búginde Almatyda barlyǵy 27 iri saýda-oıyn saýyq ortalyǵy jumys isteıdi.