Fransıa Prezıdenti Fransýa Olland Parıjdegi lańkestik áreketke baılanysty úsh kúndik qaraly kún jarıalady. Barlyq memlekettik organdar men qaýipsizdik qyzmetteriniń jumysy tótenshe jaǵdaı rejımine kóshti. Bul týraly «Qamshy» portaly habarlaıdy.

Sondaı-aq, el Prezıdenti F. Olland bul lańkestik áreketterdiń shet memleketterde aldyn ala ázirlenip, júzege asqanyn, Fransıada olardyń jaqtastary bolǵanyn aıtty.

Esterińizge salaıyq, juma kúni keshke Fransıa astanasynda lańkesterdiń uıymdastyrýymen birneshe terakt oryn aldy. Atap aıtqanda, el Prezıdenti Fransýa Ollandtiń qatysýymen Fransıa-Germanıa fýtbol komandalarynyń joldastyq kezdesýi ótip jatqan «Stad de Frans» stadıonyna jaqyn mańda jarylystar bolyp, taǵy bir top lańkes «Bataklan» konsert zalyn bsyp alǵan. Qalanyń ortalyq kósheleriniń birinde lańkester turǵyndarǵa oq jaýdyrǵan. Teraktiden qaza tapqandar sany 150-den asyp jyǵylady. Taǵy sonsha adam jaraqat alǵan.

Lańkestik áreketterdi ózderin «Islam memleketi» ataıtyn halyqaralyq lańkestik uıymy moınyna alyp otyr.