Parıjde oryn alǵan birneshe lańkestik oqıǵalarǵa jaýap retinde Sırıadaǵy DAISH uıymynyń qaramaǵyndaǵy aýmaqtarǵa áýe shabýylyn kúsheıtti, - dep habarlaıdy «Qamshy» portaly France 24-ke silteme jasap.
Fransıa áskerı-áýe kúshteri DAISH-tyń astanasy sanalatyn Rakka qalasyn bombalady. Iordanıa men Birikken Arab Ámirlikterinde ornalasqan áskerı bazalardan kóterilgen on joıǵysh ushaq atalǵan qala aýmaǵyna 20 bomba tastaǵan. Soqqylar saldarynan basqarý ortalyǵy, jattyǵý lageri men lańkesterdiń oq-dári qoımalary, sodyrlardy baýlý ortalyqtary joıyldy.
Aqparat quraldarynyń habarlaýynsha, bul áskerı operasıa AQSH-pen kelisile otyryp júrgizilgen.
Esterińizge salsaq, 13 qarashada Parıjde birneshe iri lańkestik áreketter oryn alyp, 150-ge jýyq adam qaza tapty, 300-den astam turǵyn jaraqat alǵan.
