Reseı astanasy Máskeý qalasyndaǵy mektepterdiń birinde oqıtyn bir top oqýshy jaqynda ǵana jamaǵatqa esigin aıqara ashqan Ortalyq meshitke kelip, saıahat jasap qaıtty. Ǵalamtor jelisine júktelgen vıdeoda olardyń synyptastaryna eliktep, namaz oqyǵany kórsetilgen. Bul týraly «Qamshy» portaly muslim.kz-ke silteme jasap habarlaıdy.

Áleýmettik jeli qoldanýshylary arasynda vıdeo tez arada tanymaldyqqa ıe bolyp úlgergen.

Feısbýk jelisiniń qoldanýshy Ánýar Omarov esimdi azamat vıdeodaǵy namaz oqyp turǵan oqýshynyń uly Dáýit ekenin jazǵan. Besin namazyna tap kelgen Dáýit meshitte namaz oqýǵa nıet etedi. Al, synyptastary bolsa, onyń sońynan sap túzep, kórgenderin qaıtalaı bastaıdy. Oqýshylardy vıdeoǵa synyp jetekshileri túsirip alǵan.