Astanada 2017 jyly ótetin EKSPO halyqaralyq kórmesinde otandyq avtobrend usynylady. Bul týraly «Qamshy» portaly QazAqparatqa silteme jasap habarlaıdy.
Qazaqstanda ulttyq avtobrend paıda bolady. «Allur Group» dırektorlar keńesiniń tóraǵasy Andreı Lavrentev jýrnalıserge jańa joba týraly aıtyp berdi.
Bastysy ulttyq brendti jasaýǵa árbir qazaqstandyq qatysady. 2016 jyldyń sáýirinde uıymdastyrýshylar jańa brendtiń ataýy men logotıpine ulttyq baıqaý jarıalamaq.
Andreı Lavrentevtiń aıtýynsha, qazir álemdik avtoóndiris ekologıalyq sıpattan bólek, ınovasıalyq baǵytta damyp barady.
«Allur Group» kompanıalar toby ulttyq kólikti shyǵararda zamanaýı ınjenerlik sheshimderdi eskeretin bolady. Bolashaqtaǵy kólik - elektrokar bolýy múmkin. Osydan 10 jyl buryn Apple mashına shyǵarady degen úsh uıyqtasaq túsimizge kirgen joq. Tipti, Mercedes 2020 jyly Shatl-traktaryn jiberedi, Peugeot Citroón basshysy Karos Tavaros jumysyna júrgizýshisiz kólikpen baryp keledi degenge sendik pe? Belgili sarapshy Bıl Fordtyń aıtýynsha, 15 jyldan soń júrgizýshisiz kólik ádettegi kóriniske aınalady. Biz de osyndaı úlken qadam jasaýymyz kerek. Nege qolǵa almasqa? Qajetti resýrstar lıtıı men grafen kózi Qazaqstanda bar. Munda tipti komponenttik bazany qalyptasyrýǵa bolady», - dedi A.Lavrentev.
Onyń aıtýynsha, qazir atalǵan jobany júzege asyrý úshin jumys toby jasaqtalyp jatyr. «Allur Group» strategıalyq seriktes retinde Qytaı jáne eýropalyq kompanıany tańdaýy múmkin.
Sarapshylardyń zertteýine súıensek, qazirgi tańda avtoóndiriste lıtıı metaly grafenge aýystyrylyp keledi. Ol 77 paıyzǵa arzan túsedi. Avtopılot boıynsha tehnologıa byltyr 14 myń AQSH dollary bolsa, qazir 8 myń dollar turady.
Google mamandary 2030 jylǵa qaraı ishten janatyn qozǵaltqyshtar óndiristen joıylady degen boljam aıtýda. Shvesıa 5 jyldan soń kómirsýtekten bas tartýǵa bel býyp otyr. Osy baǵytta Qazaqstan da ekologıalyq turǵydan taza, jańa ónim shyǵarýdy oılastyrý kerek.
«Bizdiń maqsat «EKSPO-2017» kórmesinde ózimizdiń konsepsıamyzdy kórsetý. Onyń baǵasy, tehnıkalyq sıpattamalary da belgili bolýy kerek. 1,5 jyl az bolǵanmen, barynsha tyrysyp kóremiz. Jańa kólikterdiń quny shamamen Hyundai Accent, Kia Solaris qunynyń shamasynda bolady», - dedi A.Lavrentev.
Sondaı-aq, «Allur Group» basshysy Ssang Yong Nomad kóliginiń óndirisi toqtap qalmaıtyndyǵyn jetkizdi.
Sońǵy 4 jylda Qazaqstanda otandyq avtoóndirýshiler 110 myń kólik, jalpy quny 480,2 mlrd teńge bolatyn komersıalyq bólshekter shyǵardy.
2015 jyly avtoóndiris salasy el qazynasyna 55 mlrd teńge kóleminde salyq tólegen.
Bıyldyń ózinde atalǵan ári aralas salada 1295 jumys orny ashyldy.
