Amerıkanyń hırýrgtary adamnyń betin tolyq aýystyrý boıynsha rekordtyq kúrdeli ota jasady.
26 saǵatqa sozylǵan ota barysynda 41 jastaǵy órt sóndirýshi Patrık Hardınsonǵa bet tinderiniń rekordtyq sanyn aýystyryp, onyń órt saldarynan sıqy buzylǵan betin donordyń betine aýystyrdy, dep habarlaıdy Bı-bı-sı.
2001 jyly órt kezinde bir áıeldi qutqarmaq bolǵan Hardınsondy kúrdeli kúıikter shalǵan. Bul oqıǵadan keıin órt sóndirýshi kórý qabiletinen derlik tolyq aıyrylyp, betiniń sıqy buzylǵan. Sońǵy 14 jylda oǵan 71 ret ota jasalǵanymen, betin burynǵy qalpyna keltirý áreketteri sátsiz aıaqtaldy.
Hardınsonnyń betiniń donory Nú-Iorktiń 26 jastaǵy sýretshisi Devıd Rodebaý boldy. Otanyń aldynda bir jyl buryn ol aýrýhanada motosıklmen jarys kezinde alǵan jaraqaty saldarynan kóz jumǵan. Rodebaýdyń betin ota úshin paıdalanylýyna onyń anasy ruqsat berdi.
Ota kezinde hırýrgtar pasıenttiń bas súıeginiń formasyn ózgertýge týra keldi. Aldaǵy ýaqytta Hardınsonǵa kórý qabileti qaıtyp oralady.
Bul - medısınada adamǵa bet tinderiniń osynshama úlken sany aýystyrylyp qondyrylǵan birinshi oqıǵa. Bet tinderi aýystyrylyp qondyrylǵan birinshi pasıent - 2005 jyly fransıalyq azamatsha Izabel Dınýar boldy.
