Pýertorıkandyq boksshy Mıgel Kotto Dúnıejúzilik boks keńesiniń (WBC) ony chempıondyq tıtýldan aıyrý sheshimine túsiniktemesin berdi. Bul týraly «Qamshy portaly» sports.kz-ke silteme jasap habarlaıdy

Ol tıtýldan Saýl Alvarespen jekpe-jeginiń aldynda mindetti jarna tóleýden bas tartqany úshin aıyrylǵan bolatyn. Boksshy sondaı-aq Golden Boy promoýterlik kompanıasynyń basshysy Oskar De La Hoııanyń onyń áreketin «boks úshin masqara» dep ataǵan synyna da jaýap berdi.

«Oskardan Dúnıejúzilik boks keńesine 1,1 mıllıon dollar tóleýin surap, jaýabyn kútińiz. 1,1 mıllıon dollar. Bul durys pa? Joq, bul ádil emes», - dep esepteıdi Kotto. Boksshynyń aıtýynsha, WBC suraǵan somany tóleýge Gennadıı Golovkınniń komandasyna qazaqstandyq boksshynyń «aralaspaı», pýertorıkandyqqa 21 qarashada Saýl Alvarespen kezdesýge múmkindik bergeni úshin 800 myń dollar tóleý jaǵdaıy qıyndatty.

«Biz Golovkınǵa onyń aralaspaǵany úshin tóleýimiz tıis 800 myń dollardy qosqanda, men olarǵa taǵy 125 myń dollar tóleýge kelistim. Men úshin bul qomaqty soma. Ol (WBC prezıdenti - avtor) bul somanyń qomaqty emes ekenin aıtyp, «joq» dep jaýap berdi», - dep túsindirdi Kotto.

«Maǵan beldikter kerek emes. Meniń úıimde beldikter jetkilikti, 1,1 mıllıon dollarǵa ózim qalaǵan kez kelgen beldikti satyp ala alamyn. Maǵan tıtýl kerek emes», - dep atap ótti pýertorıkandyq boksshy.