Parlament májilisi tarap, jaqynda saılaý ótedi degen aqparat el arasynja jeldeı esip júr. Tipti, keıbir jarnama agenttikteri men PR-ortalyqtar saılaý kezinde kórsetiletin úgit-nasıhat qyzmetiniń baǵalaryn da jarıalaı bastady.

Jaqynda depýtattar saılaý máselesine qatysty jýrnalıserge pikir bildirip, májilisti taratý máselesiniń bıliktiń joǵary satylarynda sóz bolyp otyrmaǵanyn aıtqan.

«Nur Otandyq» depýtat Máýlen Áshimbaev kezekten tys saılaý qazirgi ýaqytta talqylanýy tıis basty taqyryp dep sanamaıdy.

«Májilis, meniń oıymsha, jaman jumys istep jatqan joq. Biz ekonomıka, áleýmetik sala, bes ınstıtýsıonaldy reforma baǵdarlamasyna qatysty elýden astam zań qabyldadyq. Osy máselelerdi talqylap, osy máselelerge nazar aýdarý kerek. Meniń jeke pikirim – saılaý zańda belgilengen mezmide ótedi» deıdi ol.

Komýnıs-depýtat Aıqyn Qońyrov ta saılaý týraly josparlarynyń joqtyǵyn, alaıda, saıası dodaǵa kez-kelgen ýaqytta ázir ekendikterin aıtqan.

«Májilis taraıdy degen áńgime shaqyrylym basynan beri aıtylyp júr. Májilistiń ishinde osy máselege baılanysty sebepterdi kórip otyrǵanym joq. Keler jylǵa, keler jyldyń birinshi tqsanyna arnalǵan juys jospary bar. sondyqtan, jańa jylda Májilis taraıdy dep oılamaımyn» deıdi Aıqyn Qońyrov.

«Aqjol» partıasynyń serkesi Azat Perýaeshv saılaýdyń 2016 jyly ótetinin, biraq, naýqan naqty qaı mezgilde bolatynyn aıta almaıtynyn jetkizdi.

«Meniń oıymsha, osy Májilis ókilettiginiń merzimi aıaqtalýǵa jaqyn. Biz 2012 jyldyń basynda saılandyq. Reglament boıynsha saılaý keler jyly ótý kerek. Al, saılaý jyl basyna, aıaǵyna týra kele me – ol jaǵyn aıta almaımyn. Bul zańmen qarastyrylǵan másele. Men budan eshqandaı erekshelik kórip turǵam joq» deıdi Azat Perýashev.