Qarashanyń otyzynshy juldyzynda 31 arnada «Báıbishe Toqal» atty jańa eliktirer fıllıpındyq serıaldyń tusaýkeseri ótedi. Bul jaı ǵana erli-zaıyptynyń opasyzdyǵy týraly hıkaıalardyń qataryna jatpaıdy. Jaman nemese jaqsy dep bólýge kelmeıtin erekeshe keıipkerler men qarama-qaıshy oqıǵalarǵa toly sújet. 

Telehıkaıanyń sújeti adamdardyń shynaıy ómiri týraly, olardyń ara qatynastaryn baıandaıdy. Ivonn Vıktor esimdi kúeıýi men Markýs atty balasyn jaqsy kóretin qarapaıym úı sharýasyndaǵy áıel. Erli zaıypty jup baqytty, birin biri súıip syılaıtyn úlgili otbasy.

Alaıda, Vıktor oıda joqta qolyndaǵy shaǵyn bıznesin joǵaltyp, Djanın esimdi jas kelinshektin gúl sharýashylyǵynda jumys isteýge májbúr bolady. Tapsyrysty oryndap bolǵan soń, Vıktor Djanınnniń Odrı atty kishkentaı qyzynyń tynys ala almaı jatqanyn kórip, balany aýrahanaǵa jetkizip, ómirin qutqaryp qalady. Odrı ony óziniń eshqashan kórmegen ákesi dep oılap qalady. Balanyń júregin jaralamaý úshin, Djanın Vıktorǵa aqsha tólep, Odrıdyń ákesiniń rólin somdaýdy ótinedi. Kelisimin bergen Vıktor, óz rólin jaqsy oryndaıdy. Ýaqyt óte kele, onyń óz áıeline degen mahabbaty sýı bastaıdy. Kóp uzamaı Vıktor Djanınǵa ǵashyq bolady.

Aldanǵan Ivonn, Vıktordy keshire almaıdy. Al Vıktor bolsa Djanınmen qosylýyn qalaıdy. Erli-zaıyptylar ajyrasýǵa kelisedi de, Vıktor Djanınge ýılenip, al Ivonn aqyryndap ómirin qolǵa alyp, Albert esimdi jigitti kezdestiredi.

Bári ornyna kelip, bizdiń keıipkerler baqytqa keneledi. Ivonn men Albert jańa ómir bastaıdy, al Djanın men Vıktor bala kýtedi. Alaıda, oılamaǵan jerden, Vıktor jol apatyna týsip, jadynan aıyrylady. Naqtylap aıtqanda, Vıktor Djanındi esine túsire almaıdy. Onyń esinde Ivonn ekeýi baqytty otbasy bolǵan kezderi ǵana qalǵan...