Búgin Úkimettiń keńeıtilgen májilisin ótkizgen Elbasy Nursultan Nazarbaev qarjy mınıstri Baqyt Sultanovtyń qyzmetine kóńili tolmaıtynyn aıtty. Bul týraly «Qamshy» portaly habarlaıdy.
«Eger bizde durys qarjy mınıstri, qazynashy bolsa, ol árbir tıyndy muqıat sanaǵan bolar edi. Shamasy, bul orynǵa Jámishevti qoıý kerek sıaqty. Ol bálkim biraz adamdarǵa tik minezimen unamaıtyn shyǵar. Keıde maǵan da unamaıdy. Biraq ol tik minezimen memleket múddesi úshin jumys isteı alady» dedi Prezıdent Úkimet múshelerimen ótkizgen jıynda.
Búgin Aq Ordada Elbasy Úkimettiń keńeıtilgen jıynyn ótkizip, 2015 jylǵy áleýmettik-ekonomıkalyq damýdyń jaı-japsaryn talqylaǵanyn esterińizge salamyz.
Pikir qaldyrý