Aq Ordada Úkimettiń keńeıtilgen jıynyn ótkizgen Prezıdent Nursultan Nazarbaev qazaqstandyqtardy jańa shyndyqpen, ıaǵnı, energıa tasymaldaý men eksporttyq taýarlardyń qazirgi baǵalarymen ómir súrýge úırenýge shaqyrdy.

«Qazir «jańasha qalypty jaǵdaı» deý sánge aınaldy. Bunyń nesi qalypty jaǵdaı? Eshqandaı da qalypty jaǵdaı emes? Bul biz ómir súrip otyrǵan realdylyq. Ómir súrýdi úırený kerek. Bul sózdiń máni osynda. Qazir energıa tasymaldaýshylardyń, eksporttyq taýarlardyń jańa baǵasyn kórip otyrmyz. Osy realdylyq jaǵdaıynda ómir súrý kerek. Molshylyq kezde halyq ta, Úkimet te shalqyp ómir súrýge daǵdylanyp alǵan. Qazir biz memlekettik shyǵyndardy 1,5 trıllıon teńgege qysqartyp otyrmyz. Osynshama qarajatty shyǵyndap kelgenbiz. Qajet bolsa, shyǵyndardy taǵy da qysqartýǵa bolady, árıne» dedi Prezıdent.

Sondaı-aq, Prezıdent 20 mıllıon tonna astyq jınaǵan agrarlyq sektor eńbekkerlerine alǵys bildirdi. Bul salaǵa alda da erekshe nazar aýdarylatynyn jetkizdi.