Astanada ótken Úkimettiń keńeıtilgen otyrysynda «Samuryq-Qazyna» ál-aýqat qorynyń basqarma tóraǵasy Ómirzaq Shókeev qorda birshama ózgerister jasaýdy usyndy. Bul týraly «Qamshy» portaly habarlaıdy.

Ó. Shókeev qordy ózgertý sheńberindegi oıda bar dúnıelerdi júzege asyrý úshin tártiptiń qajet ekenin aıtty. "Ózgertýler shuǵyl ári tikeden-tik oryndalý úshin", - dedi qordyń basshysy.

"Ol tártipti kim ornatady?", - dep surady N. Nazarbaev. "Ózgertýler tártibi degenim ǵoı, búkil holdıń boıynsha sondaı komandany tikeden-tik jiberý úshin mende quqyqtyń bolǵanyn qalaımyn", - dep jaýap berdi Ómirzaq Shókeev.

"Seni tyńdamaı ma?", - dep sózin jalǵady Prezıdent. "Tyńdamaıdy degende, mysaly, men ókildikter boıynsha (Sheteldegi "Samuryq-Qazyna" - Avt.) bir jyl buryn basqarma sheshimin shyǵardym, biraq túrli sebeptermen ol ókildikter áli jabylǵan joq", - dedi Ó. Shókeev.

"Sen jassyń, bilimdisiń, kúshiń tasyp tur, saǵan ókilettilik berildi, qyzmetiń bar, sen meni tyńdamaıdy dep shaǵymdanbaqshysyń ba? Tyńdaýdyń ózi yńǵaısyz. Kim tyńdamaıdy, al aıt? "Samuryq-Qazynada" Ómirzaqty kim tyńdamaıdy?", - dep surady Memleket basshysy. "Ol jerde múdde jeterlik, maǵan sizdiń bir aýyz sózińiz kerek, boldy", - dep jaýap berdi Ó. Shókeev.