Úkimet Elbasynyń kútiletin Joldaýy aıasynda búdjetke jyl sońyna deıin taǵy ózgerister engizýi múmkin. Búgin Májiliste «2016 - 2018 jyldarǵa arnalǵan respýblıkalyq búdjet týraly» zań jobasyn maquldanǵannan keıin, QR Premer-Mınıstrtri Kárim Másimov osylaı málimdedi. Bul týraly «Qamshy» portaly QazAqparatqa silteme jasaı otyryp habarlaıdy.

Jıyn barysynda depýtattyq korpýsqa búdjet jobasyna qoldaý bildirgenderi úshin alǵysyn aıtqan Úkimet basshysy, bul elimizdiń ekonomıkalyq saıasatyn júzege asyrýǵa asa qajetti ári mańyzdy qujat ekenin atap ótti. 

«Elbasy Úkimettiń búgingi keńeıtilgen otyrysynda naqty tapsyrmalar berdi. Sonymen qatar, Prezıdent aldaǵy ýaqytta budan da naqty qadamdar Úkimetke júkteletinin aıtty. Ondaı mindetter Elbasynyń Joldaýynda qamtylady, al ol Joldaý 2015 jyldyń aıaǵyna deıin jarıalanady. Osyǵan baılanysty, depýtattarǵa aldyn ala ótinish aıtqym keledi, óıtkeni, biz aldaǵy ýaqytta Elbasynyń Joldaýy aıasynda júkteletin mindetterge sáıkes, búdjetke birqatar túzetýler engizýimiz de múmkin. Ondaı bolyp jatsa, biz Parlamentke taǵy da búdjet boıynsha ózgerister men tolyqtyrýlar jasap keletin bolamyz»,-  dedi K. Másimov.