Halqymyzdyń uly aqyny, kemeńger Abaıdyń ákesi, týraly «Qunanbaı» kınokartınasy osy jyldyń kókteminde prokatqa shyǵady dep kútilgen. Biraq, belgisiz sebepterge baılanysty qarasha aıyna shegerildi. Oǵan sebep, «Qunanbaı» fılmin elimizdiń kınoteatrlary kórsetýden bas tartyp otyrǵan kórinedi. Bul týraly «Qamshy» portaly baistars.kz-ke silteme jasap habarlaıdy. 

«Klasıka radıosynyń jýrnalısi Zıra Naýrzbaeva fılmniń rejıseri ári basty róldi somdaýshy Dosqan Joljaqsynovqa máseleniń mán-jaıyn bilmekke habarlasqan. Oǵan sebep, «Qunanbaı» fılmin elimizdiń kınoteatrlary kórsetýden bas tartyp otyrǵan kórinedi. Fılmniń kórermenge jetýi úshin kóp jerge baryp, sharshaǵandyǵyn jetkizgen. Tek, «Arman» kınoteatry 26-qarashada kórsetetin bolyp kelisken. Basqa qalalar da 2-3-jeltoqsan kúnderi kórsetýge ýáde berip otyr. Osyndaı jaǵdaı oryn alǵandyqtan «Qunanbaı» fılmi kesheýildep jatyr», delingen derekózinde. 
Eske sala keteıik, Astanada 2015 jyldyń 15 mamyrynda Qazmedıa ortalyǵynda fılmniń tusaýkeseri ótti. Fılmdi eń birinshi shyǵysqazaqstandyqtar 13 mamyr kúni tamashalady. Al prokatqa 25 mamyrdan bastap shyǵady dep josparlanǵan bolatyn.  
Bul - Dosqan Joljaqsynovtyń ekinshi rejıserlyq jumysy. Buǵan deıin «Birjan sal» fılmin túsirip, onda da basty róldi oınaǵan bolatyn. Fılm senarıin Dosqan Joljaqsynov, Talasbek Ásemqulovpen birlese otyryp jazǵan. Fılm Qunanbaıdyń týǵan jerinde, Shyǵys Qazaqstan oblysynda túsirilgen. Sol zamannyń tynys-tirshiligin kórsetý úshin qanshama derekti materıaldar jınaqtalyp, tarıhı qundylyqtar qaıta jańǵyrdy. 
Tabıǵat aıasyna 150 kıiz úı tigilip, fılmde úsh júzdiń júırigi jarysqan báıge, balýandar kúresi, ánshi-jyrshy, kúıshilerdiń saıysy da kórinis tapqan.