Bıyl kóktemde órtenip ketken «Adem» saýda ortalyǵyndaǵy býtıkterdi jalǵa alýshylar saýda úıiniń burynǵy basshysy iz-tússiz joǵalyp ketkenin aıtýda. Bul týraly órtten zardap shekkenderdiń ókili, zańger Vasılıı Rezvan málimdedi.
«Shuǵyl jańalyq – Erbol Tymbaev («Adem» SÚ burynǵy basshysy – red.)joǵalyp ketti. Biz dabyl qaǵýdamyz. Onyń joǵalǵandyǵy týraly 2015 jylǵy 14 qarashada shyǵarylǵan qaýly bar. qazir dırektor mindetin atqarýshy bolyp Zoıa Zamashıkova taǵaıyndalǵan. Ol basshysynyń qaıda ketkenin bilmeıtinin aıtýda», - deıdi zańger.
V. Rezvannyń aıtýynsha, Z. Zamashıkova 11 qyrkúıekten beri ortalyqta arendatorlardan aqsha jınap júrgenimen, ony kimge berý kerektigin bilmeıtin kórinedi.
«Biz ádilet basqarmasy arqyly tekserdik. Zamashıkova jarǵy boıynsha osy laýazymǵa taǵaıyndalǵan jáne ol jaldaý aqysyn jınaýǵa jaýapty. Biz ony jınalǵan aqshany órtten zardap shekkenderge berýdi talap etýdemiz» deıdi zańger.
«Adem» saýda ortalyǵynda aǵymdaǵy jyldyń 26 sáýirinde órt bolyp, 25 myń sharshy metr aýmaq órtenip, tilsiz jaý 1600 saýda ornyn taýarlarymen birge jalmap ketken bolatyn. Mamandar órttiń negizgi sebebi qaýipsizdik tehnıkasynyń saqtalmaýy degen qorytyndy shyǵarǵan edi.