Sońǵy 5 jylda Qazaqstandaǵy óndiristik jaraqattaný deńgeıi 6,3% - ǵa tómendedi. 

Jyl saıyn 28 sáýirde Dúnıejúzilik eńbekti qorǵaý kúni atap ótiledi, onyń maqsaty – jumyskerlerdiń quqyqtary, olardyń áleýmettik qorǵalýy men eńbek qaýipsizdigin arttyrý máselelerine nazar aýdarý. Qazaqstanda óndiristik jaraqattaný deńgeıin tómendetý boıynsha jumystar josparly túrde júrgizilýde. Qabyldanǵan sharalardyń nátıjesinde sońǵy 5 jylda óndiriste zardap shekkenderdiń sany 6,3% - ǵa, burynǵyǵa qaraǵanda qaza tapqandar sany 2,9% - ǵa azaıdy.

Bıylǵy Dúnıejúzilik eńbekti qorǵaý kúniniń taqyryby "Eńbek qaýipsizdigi men gıgıenasyna revolúsıalyq kózqarastar: jumys oryndaryndaǵy jasandy ıntellekt pen sıfrlandyrýdyń róli". Álemniń barlyq aımaǵynda úkimetter, kásipodaq uıymdary, jumys berýshiler birlestikteri jáne eńbekti qorǵaý salasyndaǵy tájirıbe mamandary is-sharalar uıymdastyrady, olardyń sheńberinde eńbekti qorǵaý salasyn jańa tehnologıalardy engizý jáne sıfrlyq transformasıalaý, qaýipsiz jáne salaýatty óndiristik orta qurý máseleleri qaralatyn bolady, - deıdi vedomostva.

Halyqaralyq eńbek uıymynyń derekteri eńbekti qorǵaý salasyndaǵy aýqymdy problemalardyń saqtalýyn aıǵaqtaıdy – álemde jyl saıyn 270 mln-ǵa jýyq jazataıym oqıǵa jáne 2 mln-nan astam adamnyń ómirin qıǵan 160 mln kásiptik aýrý tirkeledi.

Qazaqstanda jyl saıyn kásiporyndarda 1400-den astam jazataıym oqıǵaǵa jol beriledi, onyń 200-ge jýyǵy adam shyǵynymen aıaqtalady.

Ekonomıka salalary bólinisinde zardap shekkenderdiń eń kóp sany taý-ken metalýrgıa kesheniniń kásiporyndarynda – 15,3%, qurylys salasynda – 12% baıqalady.

Elimizde 470 myńnan astam jumysker zıandy jáne qaýipti eńbek jaǵdaılarynda jumys isteıdi. 2024 jyly atestattaý nátıjeleri boıynsha 679 myń jumysker eńbek jaǵdaılary zıandy jumysta istegeni úshin túrli ótemaqy aldy. Bul maqsattarǵa jumys berýshiler 297,4 mlrd teńge bóldi, bul 2023 jylmen salystyrǵanda 16,6% - ǵa kóp.