16-18 mamyr kúnderi Almaty qalasynda dástúrli halyqaralyq «Mýzeı túni – 2025» mádenı aksıasy ótedi. Bul shara álemniń túkpir-túkpirindegi mýzeıler, galereıalar men mádenı mekemelerdiń keshki jáne túngi ýaqytta esikterin kelýshilerge ashyp, tegin nemese sımvolıkalyq tólemmen qyzmet kórsetýin kózdeıdi.
18 mamyr kúni saǵat 10:00-den túngi 00:00-ge deıin Almatyda kelesi jeti mańyzdy mýzeı kelýshilerge tegin qyzmet kórsetedi:
- Almaty mýzeıi
- Yqylas atyndaǵy halyq mýzykalyq aspaptar mýzeıi
- Dinmuhamed Qonaev mýzeıi
- Sábıt Muqanovtyń úı-murajaıy
- Ǵabıt Músirepovtiń úı-murajaıy
- Ahmet Baıtursynulynyń úı-murajaıy
- Dástúrli mýzyka mýltımedıalyq ortalyǵy
Mýzeı túninde túrli tanymdyq kvestter men vıktorınalar, mýzeı zaldary boıynsha teatrlandyrylǵan ekskýrsıalar, qoıylymdar uıymdastyrylady:
- «Jańa ǵasyr» teatrynyń «Almaty – meniń mahabbatym» (Almaty mýzeıinde),
- «Móldir mahabbat» (S. Muqanov mýzeıinde),
- «Arıa Qyz Jibek» (Ǵ. Músirepov mýzeıinde),
- «Adaldyq — asyl qasıet» (D. Qonaev mýzeıinde)
Sonymen qatar, 16 mamyr kúni Almaty mýzeıinde Vengrıadan kelgen erekshe halyqaralyq kórme — «Mató halyq óneri — vengr mádenıetiniń murasy» ashylady. Osy mýzeıde keshki ýaqytta ánshi Erkesh Hasen men Ernar Amandyq óner kórsetedi.
Qasteev mýzeıi «Mýzeı túnin» 90 jyldyq mereıtoıymen ushtastyrady
2025 jyly Qasteev mýzeıi sharany qazaqtyń uly sýretshisi Ábilqan Qasteevtiń 90 jyldyǵyna oraı ótkizedi.
18 mamyr kúngi baǵdarlama ekige bólingen:
- 14:00–16:00 aralyǵynda balalarǵa arnalǵan «Mýzeı kúni» ótedi: plenerler, kvest-oıyndar, sheberlik sabaqtary.
- 16:00–00:00 aralyǵynda eresek kórermender úshin: teatrlandyrylǵan kórinister, performanstar, ekskýrsıalar men dárister.
- 16:00-de «Jandy mura: ýaqytpen úndesken óner» kórmesi ashylyp, «Qazaqstannyń sándik-qoldanbaly óneri» katalogy tanystyrylady.
- 17:00-den bastap ekskýrsıalar qazaq jáne orys tilderinde ótedi.
- 18:00-de tanymal ónertanýshylarmen kezdesý uıymdastyrylady.
- 19:00–00:00 aralyǵynda konserttik baǵdarlama ótedi: klasıkalyq mýzyka, bı, sahnalyq qoıylymdar men kreatıvti performanstary
Ortalyq mýzeı sharany 17 mamyrda ótkizedi
17 mamyr kúni saǵat 18:00-den 23:00-ge deıin Ortalyq memlekettik mýzeı sırek kórsetiletin jádigerlerdi kópshilik nazaryna usynady. Buǵan qosa, teatrlandyrylǵan kórinister, sheberlik sabaqtary, kvest-oıyndar men konserttik baǵdarlamalar ótedi. Barlyq is-sharalarǵa kirý tegin.
Aıta keteıik, 18 mamyr kúni – Mýzeı túninde jóndeý jumystaryn baılanysty Nurǵısa Tilendıev mýzeıi jumys istemeıdi.
