Bul týraly Aqordanyń resmı saıty málimdedi.

Memleket basshysynyń ókimimen Ǵumar Ekpinuly Serǵazın Qazaqstan Respýblıkasynyń Atom energıasy jónindegi agenttigi tóraǵasynyń orynbasary laýazymyna taǵaıyndaldy, - delingen habarlamada.

Serǵazın Ǵumar Ekpinuly

Laýazymy:

QR Energetıka mınıstrligi Atom energetıkasy jáne ónerkásibi departamentiniń dırektory.

Bilimi:

- Qazaq-Amerıka ýnıversıteti, mamandyǵy – zańger, (2008 j.);

- Qazaqstan Respýblıkasy Prezıdentiniń janyndaǵy Memlekettik basqarý akademıasy, Memlekettik jáne jergilikti basqarý magıstri, (2013 j.);

- AEHA Iadrolyq quqyq ınstıtýty (Avstrıa) (2015 j.);

- A.Baıtursynov atyndaǵy Qostanaı memlekettik ınstıtýty, mamandyǵy "elektroenergetıka (2020j.);

Mansaby:

Eńbek ótilin "Astana qalasy Saryarqa aýdany Halyqqa qyzmet kórsetý ortalyǵy" MM ınspektory, keńesshisi, bas ınspektory, operasıalyq zal bastyǵynyń orynbasary (2008-2011 jj.) qyzmetinen bastaǵan;

"BTA Bank" AQ Zań departamenti Quqyqtyq qamtamasyz etý basqarmasynyń Quqyqtyq súıemeldeý bóliminiń zańgeri (zań sektorynyń meńgerýshisi) (2011 j.);

Qazaqstan Respýblıkasy Qurylys jáne turǵyn úı-kommýnaldyq sharýashylyq isteri agenttigi Turǵyn úı-kommýnaldyq sharýashylyq departamentiniń Turǵyn úı qatynastary basqarmasynyń sarapshysy, bas sarapshysy (2011-2012 jj.);

Qazaqstan Respýblıkasy Óńirlik damý mınıstrligi Turǵyn úı-kommýnaldyq sharýashylyǵy departamentiniń Turǵyn úı qatynastary basqarmasynyń bas sarapshysy (2013-2014 jj.)

Qazaqstan Respýblıkasy Indýstrıa jáne jańa tehnologıalar mınıstrligi Memlekettik energetıkalyq qadaǵalaý jáne baqylaý komıtetiniń İshki ákimshilik etý basqarmasynyń basshysy, Zań basqarmasynyń basshysy (2014 j.);

Qazaqstan Respýblıkasy Energetıka mınıstrligi Atomdyq jáne energetıkalyq qadaǵalaý men baqylaý komıtetiniń Zań basqarmasynyń basshysy (2014-2016 jj.);

Qazaqstan Respýblıkasy Energetıka mınıstrligi Aqparattyq tehnologıalar jáne memlekettik kórsetiletin qyzmetter departamenti dırektorynyń orynbasary (2016-2017 jj.);

Qazaqstan Respýblıkasy Energetıka mınıstrligi Atomdyq jáne energetıkalyq qadaǵalaý men baqylaý komıteti tóraǵasynyń orynbasary (2017-2023 j.);

QR Energetıka mınıstrligi Atom energetıkasy jáne ónerkásibi departamentiniń dırektory (2023 j. naýryzynan bastap).