Jaýyn-shashyn az, 36 gradýsqa deıin ystyq: Qazaqstanda mamyr aıyndaǵy kún raıy boljamy

/uploads/thumbnail/20250502083327753_big.webp

"Qazgıdromet" RMK sınoptıkteri 2025 jyldyń mamyr aıyna arnalǵan aýa raıy boljamyn usyndy – kóktemniń sońǵy aıy jyly bolady.

Sınoptıkterdiń boljaýynsha, mamyr aıynda aýanyń ortasha temperatýrasy Qazaqstannyń kóp bóliginde normadan 1° joǵary, Shyǵys Qazaqstan oblysynda, Almaty oblysynyń ońtústik-shyǵys jartysynda, Jetisý, Abaı oblystarynda normaǵa jýyq bolady dep kútilýde.

Mamyrda jaýyn-shashyn mólsheri respýblıkanyń basym bóliginde normadan az, elimizdiń soltústik-batys jáne soltústik oblystarynda, Qyzylorda, Túrkistan, Jambyl oblystarynyń ońtústiginde, Almaty, Shyǵys Qazaqstan, Jetisý, Abaı oblystarynyń ońtústik-shyǵysynda normaǵa jaqyn bolady dep boljanyp otyr.

Mamyrdyń birinshi onkúndiginde respýblıkanyń ońtústigi men ońtústik-batysynda kún kúrkirep, jańbyr jaýady, ekpindi jel, shańdy daýyl kútiledi, tek jekelegen kúnderi respýblıka aýmaǵynda kóshpeli bultty kún raıy boljanyp otyr, jaýyn-shashyn az túsedi.

Aýa temperatýrasy kelesi dıapazonda bolady dep kútiledi:

eldiń batysynda túnde +4...+9°S-tan +9...+14°S deıin, kúndis +15...+20°S-tan +22...+30°S deıin;

respýblıkanyń ońtústik-batysynda túnde +10...+15°S pen +12...+20°S aralyǵynda, kúndiz +20...+25°S-tan +25...+33°S deıin;

soltústik-batysta, soltústikte, Qazaqstannyń ortalyǵynda túnde 0...+5°S, 1-6°, +8...+15°S deıin, kúndiz +10...+18°S-tan +23...+30°S deıin.

respýblıkanyń ońtústiginde aýa temperatýrasy túnde +5...+12°C-tan +15...+20°C-qa deıin, kúndiz +18...+25°C-tan +28...+35°C-qa deıin birtindep joǵarylaıdy dep kútiledi.

Mamyrdyń ekinshi jáne úshinshi onkúndiginde respýblıkanyń basym bóliginde aýa temperatýrasy túnde +2...+7°S-tan +10...+15°S-qa deıin, kúndiz +10...+15°S-tan +25...+30°S-qa deıin aýytqıdy, túnde sýyq antısıklon áserinen keı kúnderi aýa temperatýrasy 1-6° deıin tómendeýi múmkin.

Respýblıkanyń ońtústigi men ońtústik-shyǵysynda aýa temperatýrasy +28...+36°S deıin kóteriledi, alaıda ystyq kúnderdiń arty salqyn kúnderge ulasyp, aýa temperatýrasy +20...+25°S bolady, topyraq betine arktıkalyq aýa massalary engen kezde 2°-qa deıin aıaz bolýy múmkin.

Qatysty tegter :

Qatysty Maqalalar